अपाङ्ग विश्व साइकल यात्री चित्र पौडेल इज़रायलमा

तेल अभिव (इज़रायल) कार्तिक २१,

याशिन राई : सारीरिक रुपमा अपाङ्ग भएर नि सपाङ्गतलाइ चुनौती दिंदै २००३ बाट साइकल यात्रा सुरु गरेका बिराटनगर बयरवनका चित्र पौडेल ले सुरुमा साइकल सिकेर नेपालकै पैतिस (३५) वटा जिल्ला घुमेका थिए । पोलियो बाट पीडित उनको दाहिने खुट्टा तुलनात्मक रुपमा सानो र छोटो छ । उनि सामान्य मानिस सरह हिड्न सक्दैनन् ।

करिव आठ वटा देश एक्लै घुमेका पौडेलले सिँगापुर पुग्दा अशोक राई सँग उनको भेट भयो र त्यहाँ (सिंगापुर) मा आइटी पढेका सानै बाट समाज सेवा गर्न रुचाउने अशोक राई चित्र पौडेल सँगको भेट पछि उनैको हर शोक र भोक , शुख दुखमा सहभागी हुँदै उनीहरुले सँगै चउन्न राष्ट्र घुमिसकेका छन् । विश्व शान्ति र पोलियो रोग बिरुद्ध विश्व यात्रामा रहेका चित्र पौडेल र अशोक राई अहिले गुल्फ़ हुँदै इज़रायल आइपुगेका छन् । गिनीज बुकमा नाम दर्ता नभए सम्म आफ्नो यात्रा जारि राख्ने पौडेल र राई इज़रायल बाट युरोप लागेपछि सय राष्ट्र पुरा गर्ने लक्ष्य रहेको छ ।

विस्व साइकल यात्रा छिमेकी राष्ट्र भारत हुँदै सुरु गरेका बंगलादेश, पाकिस्तान माल्भिप्स , भुटान , श्रीलंका , बर्मा , थाईल्याण्ड , लाओस , कोमैडिया, भियतनाम, चाइना, मलेशिया , सिंगापुर ,इन्डोनेसिया ( पूर्वमा) टिमोर , फिलिपिन्स, ब्रुनाई, हंगकंग, ताइवान, साउथ कोरिया ,जापान ,अस्ट्रेलिया ,न्युजिल्यान्ड ,पपु न्युगुने ,कुक इस्लैंड ,सोलोमन इस्लैंड ,गुल्फ़ , जोर्डन हुँदै इज़रायल आइपुगेका यात्री दुई इज़रायलको बसाईं पछि युरोप तिर आफ्नो यात्रा मोड्ने बताउछन ।

आफु सारीरिक रुपमा अपांगत २८ बर्षीय चित्र पौडेलको सोच सकारात्मक र उच्च छ । यदि अवसर पाए हामी जस्ता अपाङ्ग पनि सपाङ्ग भन्दा कुनै कम छैनन् भन्छन पौडेल । उनीहरुको आत्मा बल बढाउन समाजले हेर्ने कम्जोर दृष्टिकोणमा परिवर्तन हुनु पर्ने बताउने उनि अब सय राष्ट्र पुर्याई नेपाल फर्के पछि आफ्नो सम्पूर्ण यात्रा बारे पुस्तक निकाल्ने तयारीमा पनि छ उनि ।

इज़रायलमा कार्यरत नेपाली दाजु भाइ तथा दिदी बहिनीहरुको साथ् र सहयोग का लागि उनीहरु अहिले राज्धुत देखि विभिन्न स्थानिय सङ्घ सँस्थाहरु सँग सहायताको अपेक्षा गरिरहेका छन् । जोर्डन हुँदै इज़रायलआएका पौडेल र राई लाइ यी-दुई देशको बोर्डर मा केहि समान र उनीहरु सँग भएको खर्च चोरि भएको थियो । अहिले उनीहरु साइकल मर्मत गर्ने र भिसा लगाएर पश्चिम तिर लाग्ने तरखरमा छन् ।

विश्वमा छरिएर रहेका हरेका नेपालीहरुले जुन ठाउँ पुगेपनि आफुले सम्मान र सहयोग पाउदै आएको र अब आउने समयमा पनि यसै गरि सहयोग र सपोर्ट आउनेमा यात्री द्वय विस्वस्त देखिन्छन । कति पयले साइकलमा विश्व यात्रा गर्ने देशको नाम उच्च राख्ने बहानामा राम्रो देशमा पुगेपछि लुक्ने तितो यथार्थलाई स्वीकार्दै उनीहरु आफु लक्ष्यमा नपुगुन्जेल आफ्नो यात्रा जारी राख्ने बताए ।

चित्र पौडेलले आफ्नो अविभावकको इच्छा बिपरित सुरु गरेका यो उदेष्य लाइ गिनीज बुक अफ़ वर्ल्ड रेकर्ड मा दर्ता गर्नेमा निश्चिन्त छन् । पौडेलको हर सुख दुखमा सहयात्री बनेका अशोक राईको योगदान प्रसंसा योग्य छ । यी दुबैको अगाडिको हर यात्रा सफल रहोस हाम्रो अग्रिम शुभ-कामना छ । याशिन राई परिवार ।