शुल्कको नाममा रकम असुल्दै बाल मन्दिर

रौतहट ९ मंसिर ।
जिल्लाको सदरमुकाम गौरमा रहेका केहि सामुदायीक बिधयालयले अर्ध बार्षिक परिक्षको मौका छोपेर बिधार्थीहरुसंग मानोमानी रुपमा रसिद नै नकाटेर शुल्क उठाउने गरेको पाईएको छ । जिल्ला शिक्षा कार्यालय रौतहटले भने परिक्षाका नाममा शुल्क लिन नपाँउने ब्यावस्था रहेको जनाएपनि जिल्लाका धेरै जसो समुदायीक बिधयालयले मनोमानी रुपमा परिक्षा शुल्क लिने गरेका छन् । सरकारले बालबालिका भर्ना अभियान चलाएर बिपन्न ,दलित परिवारका बालबालिका लाई बिधालय सम्म पुयाउने अभियान चलाएको भएपनि बिधालयले कक्षा १ कक्षा देखी मनोमानी रुपमा परिक्षा शुल्क माग्न थालेपछि जिल्लाका अति गरिब बिपन्न बालबालिकाहरु बिधालयनै जान छाडने गरेका छन् ।
जिल्लाको सदरमुकाम गौरमा रहेको मावि बाल मन्दिरले कक्षा १ देखि कक्षा १० सम्म अध्यनरत बालबालिका संग अर्ध बार्षिक परिक्षा शुल्क लिने गरेको बालमन्दिरका प्रअ गणेश गिरीले स्वयम स्विकारेका छन् । दैनिक ज्यालादारी गरेर जिबिको पार्जन गर्दे आएका गरीब निमुखा अभिभावकले छोराछोरीको परिक्षा शुल्क बापत मागिएको रमक दिने पैसा नभएको भएपनि बिधालयका शिक्षकहरुले पैसा नल्याए सम्म परिक्षामा सहभागि हुन दिदैनौ भन्ने गरेको दुखेसो पोखे । सो बिधालयका प्रधानाध्यापक गणेश गिरीले आफुहरुले रसिद नकाटी परिक्षा फि लिएको तर गलत नगरेको बताए । जिल्ला शिक्षा कार्यालय रौतहटका प्रमुख जिल्ला शिक्षा अधिकारी नगेन्द्र राज पौडेलले कुनै पनि सामुदायीक बिधालयले बिभिन्न बाहानामा बिधार्थी संग कुनै शुल्क लिन नपाउने बताए ।
एकातिर सामुदायीक बिधालयहरुले परिक्षा शुल्क वापत रकम लिएको पाईएमा करवाही हुने शिक्षा अधिकारी पौडेलले ठोकवा गरेपनि बालमन्दिर लगायत अन्य सामुदायीक विधालय तिर अधिकारीको ध्यान जान नसकेको अभिभावकहरुको भनाई रहेको छ । जिल्ला शिक्षा कार्यालयले परिक्षा शुल्क लिन नपाँउने बताएपनि जिल्लाका सबै जसो सामुदायीक बिधालयहरुले आ आफनो तरिकाले बकाईदा विभिन्न बहानामा बिधार्थी संग चर्को शुल्क लिने गरेका छन् ।
जिल्लाका सबै बिधालयले यसरी परिक्षा शुल्कको नाममा मनोमानी रकम अशुल्न थालेपछि यसको मारमा गरिब तथा बिपन्न परिवारका अभिभावक पर्ने गरेका छन् । सरकारले सबैका बालबालिका बिधालय जाँउन भन्नका लागि बिभिन्न खाले प्रचार प्रसार गरेको भएपनि रौतहटमा रहेका बिधालयहरुले बिभिन्न बाहानामा अभिभावकहरु संग रकम असुलने सरकारी नितीलाई लत्याउदै आएका छन् । यस तर्फ सम्बन्धीत निकायको ध्यान जानुपर्ने अभिभावकहरुको भनाइ रहेको छ ।

SHARE THIS