वीरगंजमा अबैध संघ संस्थाको बिबबिगी, संस्थाको नाममा ठगी गरी चौधरी फरार

श्रवण साह/
अजय चौरसिया
वीरगंज १९ जेष्ठ, भक्तपुर काठमाडौंका एक संस्थाले पर्साको अलौं गाविसका सर्वसाधारण महिलाहरुबाट हजारौं हजार रुपैया ठगी गरी फरार भएको समाचार सार्वजनिक भएको छ ।

सरस्वती सेविङ ट्रेनिङ सेन्टर केन्द्रिय कार्यालय भक्तपुर, काठमाडौंका संस्थाले पर्साको अलौं गाविसका सर्वसाधारण महिलाहरुलाई विभिन्न किसिमका तालिमको प्रलोभन देखाई हजारौं हजार रुपैया ठगी गरी फरार भएको बुझिन आएको छ । करिब २० दिन पहिला संस्थाका महानिर्देशक धनुसा बस्ने डा. रामबलि चौधरीले गाउँका महिलाहरुलाई अगरबति, मैनबती, सिलाई कटाई, बिन्दी लगायतका तालिम गराउनका लागि प्रति महिलासंग २५ रुपैया देखि ५५५ रुपैया सम्म लिएको स्थानिय महिलाहरु बताउँछन् । तालिम वीरगंजको होटल समरमा गराउने भनेर करिब ४५ जना महिलाहरुलाई ल्याए पनि त्याहाँ तालिमको कुनै किसिमको व्यवस्था नरहेको बुझिन आएको छ । सो तालिम संचालनकै क्रममा महिलाहरुलाई रु. ८ हजार देखि २५ हजार सम्म मासिक तलब दिने भनी नियुक्तीपत्र दिएको छ तर सो नियुक्तिपत्रमा नियुक्तको किसिम, कहिले देखि लागु हुने, शैक्षिक योग्यता, कार्यक्षेत्र केहि उल्लेख नभएकोले सो नियुक्तपत्र फर्जी भएको बुझिन्छ । सो तालिमको विषयमा स्थानिय प्रशासन, जिल्ला विकास कार्यालय र जिल्ला प्रहरी कार्यालयमा जानकारी गराएको महानिर्देशक चौधरीले बताए पनि कुनै पनि स्थानिय निकायमा सम्पर्क नगरेको स्थानिय निकायका प्रमुखहरु बताउछन् ।

सो ठगीमा अलौं वडा नं. ७ बस्ने प्रमिला देवी, वडा नं. ५ बस्ने राजकुमारी देवी र वडा नं. ८ बस्ने राधिका सिंह बस्नेतले घर घरमा पुगी अरु स्थानिय महिलाहरुलाई अनेकौ प्रलोभन देखाई रु. २५ देखि ५५५ रुपैया र नागरिक्ताको फोटोकमी र २ प्रति फोटो समेत लिएर संस्थाको महानिर्देशक चौधरीलाई दिएकोले ई तिनै महिलाहरु पनि सो संस्थासंग मिलेको हो भनी स्थानीय पिडित महिला मिना देवी सोनारले आक्रोश पोखिन । सो सम्बन्धमा महिलाहरुसंग सोधपुछ गर्दा तिनै जना महिलाहरुले बताउन नखोजने र गाली गलौज गरेको स्थानिय मनोज बरालले बताउनु भयो । सो तालिमको लागि होटल समरमा रुम भाडा लिए पनि होटलमा भाडा लिनेको कुनै प्रकारको परिचयपत्र नराखेकोले होटलको संचालकको पनि मिलिभगत हुन सक्ने आशंका रहेको छ । जिल्ला प्रहरी कार्यालयले होटलमा बस्ने आउने ग्राहकको परिचयपत्र अनिवार्य रुपमा राख्ने नियम बनाए पनि होटलहरुमा बोर्ड मात्र झुण्डयाएको तर नियम पाल्ना नभएकोले समय समयमा स्थानिय प्रशासनले अनुगमन नगरेकोले यस्तो विकृति बढेको देखिन्छ ।