नागरिकता टोलीमा धमाधम जन्मसिद्ध नागरिकता वितरण
सत्य हो भने कारवाही गर्छु : प्र. जि. अ. बजिमय
वीरगंज, २२ जेठ । पर्सा जिल्लामा खटिएको नागरिकता वितरण टोलीहरु मध्ये अच्युत दाहाल प्रमुख रहेको टोलीले चार जना गैर नागरिकलाई जन्मको आधारमा नागरिकता वितरण गरेको खबर क्राइम चेकलाई प्राप्त भएको भएको छ ।
यसबारे पर्साका प्रमुख जिल्ला अधिकारी कैलाश कुमार बजियसँग जिज्ञासा राख्दा यस बारे आफूलाई जानकारी नआएको र यदी त्यस्तो खबर भए कारवाही गरिने बताए ।जन्मको आधारमा नागरिकता लिने व्यक्तिले जन्मदर्ताको प्रमाणपत्र, शैक्षिक योग्यताको प्रमाणपत्र, राजनीतिक दलका प्रतिनिधिको सिफारिश पत्र पेश गर्नु पर्ने प्रावधान रहेको भएपनि गाउँ स्थानीय निकाय जनप्रतिनिधि विहिन रहेको अवस्थामा पुरानो मितिमा जन्म दर्ता गराई पर्साको एक गाविसबाट तीन जना भारतीय नागरिकले गत सोमवार जन्मसिद्ध नागरिकता प्राप्त गरेको श्रोतले क्राइम चेकलाई बताए ।
गृहमन्त्रालयले नेपालको ७५ वटै जिल्लामा खटाएको नागरिकता वितरण टोलीलाई जन्मसिद्ध नागरिकता प्राप्त गरेकाको सन्तालाई र वंशज नागरिकका सन्तानलाई मात्र वंशजको आधारमा र भारतबाट विहे गरी नेपाल भित्रयाइएकी महिलालाई वैवाहिक अंगिकृत नागरिकता मात्र वितरण गर्ने आधिकारिता प्रदान गरेको भएपनि मन्त्रालले दिएको अधिकारक्षेत्र भन्दा माथि गएर अच्युत दाहालको १० नं. टोलीले भारतीय नागरिकलाई जन्मको आधारमा नागरिकता वितरण गरेको श्रोतको दाबी छ ।
यसैबीच दाहालकै नेतृत्वमा रहेको नागरिकता वितरणटोलीले मंगलवार पर्साको लहावरथकरी गाविसबाट पनि तीन जना भारतीयलाई जन्मको आधारमा नागरिकता वितरण गरेको प्रहरी सहायक निरीक्षक महतोले जनाएपनि त्यहाँका गाविस सचिव हाकिम राउत गद्दीले जन्मसिद्ध नागरिकताकालागि आफूले कसैलाई पनि सिफारिश नगरेको बताए ।
यसरी गृहमन्त्रालयको निर्देशन भन्दा माथि गई यदी जन्मसिद्ध नागरिकता वितरण गरिहेको छ भन्ने प्रमाण फेला परे आफूले वितरण गर्नेलाई कारवाही गर्ने प्रमुख जिल्ला अधिकारी कैलाश कुमार बजिमयले क्राइमचेकलाई बताए ।
यसबारे क्राइम चेकको थप अनुसन्धान जारी छ ।
Nepalese Rupee Exchange Rate