घरमा सुतेकी विवाहित एक महिलाको संवेदनशील अङ्ग छोएको आरोपमा कुटपिट हुँदा एक युवकको मृत्यु भएको छ ।
मृत्यु हुनेमा रतनपुर–५ बस्ने २८ वर्षीया श्यामनाथ चौधरी रहेका छन् । उनको कुटपिटबाट आज बिहान मृत्यु भएको जिल्ला प्रहरी कार्यालय कैलालीका नायब उपरीक्षक ऋषिराम कँडेलले बताउनुभयो ।
धनगढी नगरपालिका–८ धनगढी गाउँ निवासी ३० वर्षीया महिला बिल्ली राना सुतिरहेको अवस्थमा आज बिहान चौधरीले सम्वेदनशील अङ्ग समाउँदा बिल्ली कराएपछि उनका आफन्तले कुटपिट गरी गम्भीर घाइते बनाएका थिए ।
कुटपिटबाट गम्भीर घाइते भएका उनको उपचारका क्रममा मृत्यु भएको प्रहरीले जनाएको छ ।
कुटपिटमा संलग्न बिल्ली राना उनका पति श्याम राना, छोरा बीरबल राना, देवर बिलासी राना र छिमेकी करन रानालाई प्रहरीले पक्राउ गरी अनुसन्धान गरिरहेको बताइएको छ । रासस
Nepalese Rupee Exchange Rate