वीरगंज, वैशाख ३ । सुनको भाउ घट्नेक्रम आज पनि जारी रह्यो । आज नेपाली बजारमा सुनको भाउ तोलामा ३ हजार रुपैयाँले घटेर तोलाको ४९ हजार ५ सय रुपैयाँमा कारोबार भइरहेको नेपाल सुनचाँदी व्यवसायी संघले जनाएको छ ।
सोमबार तोलाको ५२ हजार ५ सय रुपैयाँमा कारोबार भएको सुनको भाउमा आज एकैदिन तोलामा ३ हजार रुपैयाँले कमी आएको हो । हिजो सुनको भाउमा ३ हजार ३ सय रुपैयाले कमी आएको थियो । त्यस्तै चाँदीमा पनि प्रतितोला ३६ रुपैयाँले कमी आएर आज ८ सय ९८ रुपैयाँमा कारोबार भइरहेको छ ।
अन्तर्राष्ट्रिय बजारमा सुनको मूल्यमा आएको गिरावटसंँगै स्थानीय बजारमा पनि सुनको मूल्यमा गिरावट आएको नेपाल सुनचाँदी व्यवसायी महासंघले जनाएको छ ।
अन्तर्राष्ट्रिय बजारमा अमेरिकी डलरको भाउमा आएको उतार चढावसँगै सुनचाँदीको मूल्यमा पनि कमी आएको महासंघले जनाएको छ ।
Nepalese Rupee Exchange Rate