सडक दुर्घटनामा दुई दर्जन घाइते

रौतहट÷चन्द्रनिगाहपुरको तल्लो वजारमा एक यात्रुबाहक बस दुर्घटनामा २५ भन्दा बढी यात्रु घाईते भएका छन् ।
घाइतेमध्ये एकजनाको अवस्था गम्भीर रहेको छ ।  सदरमुकाम गौरबाट वीरगंजको लागि छुटेको ना ४ ख २९९६ नम्बरको महाकाली ट्राभल्सको बस तीब्र गतिका कारण चालकले नियन्त्रण गुमाउँदा दुर्घटनामा परेको इलाका प्रहरी कार्यालय चन्द्रनिगाहपुरले जानकारी दिएको छ  ।
घाइतेहरुको स्थानीयबासिन्दाका साथै नेपाल प्रहरी र सशस्त्र प्रहरीको टोलीले उद्धार गरेका छन् ।
बसमा यात्रा गरिरहेका अधिकांश यात्रु घाईते भएका छन् । उनीहरुको चन्द्रनिगाहपुरस्थित सरकारी अस्पतालमा उपचार भइरहेको र दुर्घटनामा गम्भीर घाईते गौरका निर्मल केशरीलाई उपचारका लागी वीरगन्ज पठाइएको ईलाका प्रहरी कार्यलय चन्द्रनिगाहपुरले जनाएको छ ।
क्राइम चेक साप्ताहिकमा २०६९ चैत्र ०८ गते प्रकाशित

SHARE THIS