ठूलो परिमाणमा हातहथियारसहित तीन पक्राउ

वीरगंज २५ पुस ।
पर्सा जिल्लाको मधुवन मथवल गा.बि.स. ४ बस्ने रामबिलास हजराको घरमा आज बिहान छापा मारी प्रहरीले ठुलो परिमाणमा रहेको हात हतियार सहित ३ जनालाई पक्राउ गरेको छ ।

पक्राउ पर्नेहरुमा घरधनी रामबेलास हजरा, सुनिल हजार र चटायन माझी रहेकाछन् । टोलीले घटनास्थलबाट कटुवा पेस्तोल २ थान १२ बोरको बन्दुकमा प्रयोग हुने गोली ३६ थान र राईफलको गोली ६ थान बरामद गरेको छ ।


जिल्ला प्रहरी कार्यालय पर्साबाट अपराध नियन्त्रणका लागी प्रहरी निरिक्षक मनोज लामा र पवन झा को कमाण्डमा खटिएको बिषेश टोलीले सो हतियार बरामद गरेको जिल्ला प्रहरी कार्यालय पर्साका प्रहरी उपरिक्षक दिवेश लोहनीले बताउनु भयो ।
हात हतियार सहित पक्राउ परेकाहरु तीनैलाई हिरासतमा राखी थप अनुसंधान भईरहेको लोहनीले बताउनुभयो ।

SHARE THIS