वीरगंज २८ भदौ/
आज मनवा बचत तथा ऋण सहकारी संस्था लि.ले बागवाना गाविसको मनवा बजारमा आयोजना गरेको रक्तदान कार्यक्रममा विश्वनाथ साह नेपाली, नन्देश्वर चौधरी, सन्दिप साह, अनिरूद्ध प्रसाद, उषा गौरो, शबनम पञ्जियार, गछिया कुमारी, नगनारायण चौधरी, राजन गिरी, लक्ष्मण दिस्वालगायतले रक्तदान गरेको रक्तसञ्चार केन्द्र, वीरगंजका प्राविधिक धीरेन्द्र झाले बताए ।
रक्तदान कार्यक्रम मनवा बचत तथा ऋण सहकारी संस्थाका अध्यक्ष विचारी साह कानुको अध्यक्षतामा र रक्तसञ्चार केन्द्र, वीरगंजका प्रमुख प्रवीण मानन्धरको प्रमुख आतिथ्यमा भएको र, आर्यन चौधरी तथा अरूण चौधरीले सहयोग पुर्याएका थिए ।
कम्प्युटर हस्तान्तरण
वीरगंज २८ भदौ/
नेपाल औषधि व्यवसायी सङ्घ, नारायणी वीरगंजलाई क्वेस्ट फर्मास्यूटिकल्सले आज एक कार्यक्रमको बीच कम्प्युटर हस्तान्तरण गरेको छ ।
नेपाल औषधि व्यवसायी सङ्घका अध्यक्ष सुरेन्द्र मोहन रन्जितकारलाई क्वेस्ट फर्मास्यूटिकल्सका सञ्चालक पृथ्वीराज भण्डारीले कम्प्युटर सेट हस्तान्तरण गरेको बताइएको छ । कार्यक्रममा अञ्चलका महासचिव अजयकुमार यादव, सुरेश अर्याल, रामविनोद साहलगायतले मन्तव्य व्यक्त गरेका थिए ।
Nepalese Rupee Exchange Rate