काठमाडौं,२९ फागुन : नवलपरासी र महोत्तरीमा भएका दुर्घटनामा दुई जनाको मृत्यु भएको छ। महोत्तरीको श्रीपुरमा ट्रयाक्टरले किच्दा एक जनाको ज्यान गएको छ । आफै चढेको श्रीपुर ७ मा ज १ त ४९८९ नम्बरको ट्रयाक्टरले किच्दा माईस्थान ८ टुटेश्वरका ४० बर्षिय चण्डेश्वर महराको ज्यान गएको हो ।
घटनापछि चालक फरार छन् भने ट्रयाक्टरलाई प्रहरीले नियन्त्रणमा लिएको छ । त्यस्तै नवलपरासीको गैडाकोट–४ मा आज भएको सवारी दुर्घटनामा परी एक जनाको मृत्यु भएको छ भने पांच जना घाइते भएका छन् ।
इलाका प्रहरी कार्यालय गैडाकोटका अनुसार रोकेर राखेको बा २ ख १९ ५९ नम्बरको ट्रकमा पश्चिमबाट नारायणगढतर्फ जांदै गरेको ना १ ज २२ २२ नम्बर ट्याक्सी ठोक्किदा भरतपुर नगरपालिका ३ बस्ने बर्ष ३२ को बालकृष्ण अधिकारीको मृत्यु भएको हो ।
दुर्घटनामा परी अन्य पांच जना घाइते भएको र घाइते मध्ये दुई जनाको अवस्था चिन्ताजनक रहेको प्रहरीले जनाएको छ ।
Nepalese Rupee Exchange Rate