बीस किलो चरेश र एकथान पेस्तोल बरामद

क्राइमचेक प्रतिनिधि÷

वीरगंज÷पर्साको मिर्जापुर प्रहरी चौकीले मंगलबार राती भारतीय मोटरसाइकलसहित २० किलो ग्राम अवैध चरेश बरामद गरेको समाचार पराप्त भएको छ ।

                प्रहरीले चरेश र मोटरसाइकल मात्र बरामद भएको दाबी गरेपनि मोटरसाइकल चालक तस्करलाई प्रहरीले नै उम्काएको स्थानीयबासिन्दाले आरोप लगाएका छन् ।

                मिर्जापुर गाविसको वडा नम्बर ७ स्थित ओरिया खोलाको छठघाट नजिकैबाट बीआर २२ एन ०९७१ नम्बरको भारतीय मोटरसाइकलमा लोड गरिएको ३६ पोका

चरेश बरामद गरिएको प्रहरी चौकी मिर्जापुरका प्रहरी सहायक निरिक्षक कमलेश यादवले बताएका छन् । उनले मोटरसाइकल चालकलाई पक्राउ गर्न नसकिएको दाबी गरे । हरिहरपुर गाविसबाट चरेश लिएर भारततर्फ लैजाँदै गरेको अवस्थामा प्रहरीले नियन्त्रणमा लिन सफलता पाएको इलाका प्रहरी कार्यालय पोखरियाका प्रहरी निरिक्षक खेम नारायण चौधरीले बताए ।

                यता बाराकोे इनर्वासिरा गाविसबाट प्रहरीले बुधबार बिहान एक थान नलकटुवा बन्दुक बरामद गरेको छ । प्रहरी चौकी इनर्वासिराबाट खटिएको प्रहरी टोलीले मकैबारीबाट एक थान नलकटुवा बन्दुक र त्यसमा लाग्ने एक राउण्ड गोली बरामद गरेको प्रहरी उपरिक्षक ठाकुर प्रसाद ज्ञवालीले जानकारी दिएका छन् । स्थानीय नागेन्द्र यादव र मदन यादवबीच झगडा हुँदा यो बन्दुक प्रयोग भएको स्थानीयवासीले बताएका छन् । बन्दुक कस्ले वैध वा अवैधरुपमा आफूसँग राखेको हो भन्ने बारे अनुसन्धान भइरहेको प्रहरीले जनाएको छ । (यात्राडेली)

(क्राइम चेक साप्ताहिकमा २०६९ चैत्र १ गते प्रकाशित)

SHARE THIS