खोटाङ, चैत्र ५ - छात्राहरुलाई बलात्कारको प्रयास गरिएको बिरोधमा अविभाबकले खोटाङमा एक बिद्यालय बन्द गराएका छन् ।
११ जना छात्राहरुलाई सामुहिक बलात्कारको प्रयास गरिएको भन्दै त्यसको बिरोधमा अबिभाबकले विजयखर्कस्थित चम्पावती माबि बन्द गराएका हुन् ।
बिजयखर्क–३ को सहदेवढीस्थित गुफा हेर्न गएका छात्राहरुलाई सोही विद्यालयको कक्षा–९ मा अध्यायनरत राजन ढकाल, किरण ढकाल र लालबहादुर विश्वकर्माले बलात्कार गर्ने प्रयास गरेको भन्दै उनीहरुलाई कारवाहीको माग गर्दै अविभावकले सोमबारदेखि अनिश्चितकालिन विद्यालय बन्द गराएका हुन् ।
छिमेकी गाबिस बुईपास्थित चम्पावती उच्च माविमा सञ्चालन भइरहेको एसएलसी परीक्षा हेरेर घर फर्कदै गरेका तीन छात्रहरुले गुफाभित्र पसेको समयमा छात्राहरुलाई आईतबार दिउँसो बलात्कारको प्रयास गरेको अविभावक बद्री ढुङ्गानाले बताउनुभयो ।
आफूहरुलाई पालैपालो गुफाभित्र पस्न भन्दै बलात्कारको प्रयास गरेको पिडित छात्राहरुले बताएका छन् । बलात्कारका आरोपी छात्रहरुलाई नियन्त्रणमा लिएर आवश्यक कारवाहीका लागि अविभावकसँग छलफल भइरहेको प्रधानाध्यापक गोविन्द पोखरेलले बताउनुभयो । घट्नाबारे जानकारी नआएको प्रहरीले जनाएको छ ।
Nepalese Rupee Exchange Rate