रेडियो वीरगन्जमा आज आयोजित कार्यक्रम मार्फत भवन निर्माणका लागि दाताहरुले आर्थिक सहयोग गर्नु भएको हो । कार्यक्रममा मधेशी जनअधिकार फोरम नेपाल पर्साका अध्यक्ष प्रदीप यादवले रु.५१ हजार रुपैयाँको चेक प्रदान गर्नुभएको छ । त्यसरी नै प्रेस युनियन नेपालका केन्द्रीय सदस्य बिजय कुशवाहाले रु. २१ हजार र आकाश एफएमका संचालक आशिक अंसारीले रु.एघार हजार एक सय एघार रुपैयाँ प्रदान गर्नुभएको छ । कात्तिक ३० गते नेपाल पत्रकार महासंघ पर्सा शाखाको भवन शिलान्यास कार्यक्रममा भवन निर्माणका लागि सहयोग गर्ने प्रतिबद्धता अनुसार उहाँहरुले आज उक्त चेक पत्रकार महासंघ पर्सा शाखाका अध्यक्ष श्याम बन्जरा र नेपाल पत्रकार महासंघका केन्द्रीय सदस्य एवम् मध्यमाञ्चल संयोजक शीतल महतोलाई हस्तान्तरण गर्नु भएको हो ।
कार्यक्रममा बोल्दै पत्रकार महासंघका केन्द्रीय सदस्य तथा मध्यमाञ्चल संयोजक शीतल महतोले पत्रकार महासंघ नागरिक समाजको अगुवा संगठन भएका कारण भवन निर्माणका लागि सहयोग गर्न सबैलाई आग्रह गर्नुभयो । त्यसरी नै मधेशी जनअधिकार फोरम नेपाल पर्साका अध्यक्ष प्रदीप यादवले आफूले पत्रकार महासंघका लागि हाल सानो सहयोग गरेको र अझै ठूलो सहयोग गर्न बाँकी नै रहेको जानकारी दिनुभयो ।उहाँले भवन निर्माणका क्रममा पत्रकारहरुसँगै र्इंटा र सिमेन्ट बोक्न आफू तयार रहेको प्रतिबद्धता जनाउनुभयो। यसरी नै राष्टिय पत्रकार समूहका केन्द्रीय उपाध्यक्ष राम सरार्फले फोटो पत्रकारहरु पत्रकार महासंघका लागि सहयोग गर्न तयार रहेको बताउनुभयो । यसरी नै प्रेस युनियन नेपालका केन्द्रीय सदस्य बिजय कुशवाहाले अब पत्रकारहरु गुटउपगुटमा बिभाजन हुनु भन्दा पनि सबै एक भएर अगाडि बढ्नु पर्नेमा जोड दिनुभयो । आकाश एफएमका संचालक आशिक अंसारीले पत्रकार महासंघ सबैको साझा सम्पत्ति भएका कारण आफूले आर्थिक सहयोग गरेको बताउनुभयो ।
पत्रकार महासंघ पर्सा शाखाका अध्यक्ष श्याम बन्जराले आफू पत्रकार महासंघको नयाँ बन्ने भवनमा एकजना पत्रकारलाई दुःख पर्दा सबै पत्रकार रुने र एकजना पत्रकार हास्ने बातावरण बन्दा सबै पत्रकार हाँस्ने बातावरण बनोस् भनेर कल्पना गरेको बताउनुभयो । उहाँकै अध्यक्षतमा र नेपाल पत्रकार महासंघ पर्सा शाखाका उपाध्यक्ष धुब्र साहले स्वागत मन्तब्य राख्नु भएको कार्यक्रमको सहजिकरण सचिव कृष्णउदास खनालले गर्नुभएको थियो । कार्यक्रममा पर्साका अगुवा पत्रकार भद्रनाथ अधिकारी,नेपाल पत्रकार महासंघ पर्सा शाखाका पूर्व अध्यक्ष शत्रुघन नेपाल लगायतको उपस्थिति रहेको थियो ।
Nepalese Rupee Exchange Rate