बाढीले बगाएका ४ शव सुर्खेतमा भेटिए

नमकार उपाध्याय/
सुर्खेत, असार ७ ।
पश्चिम सुर्खेतको लगाम र बिजौरा गाविसमा पर्ने कर्णाली नदीको किनारमा शुक्रबार चारवटा शव फेला परेको छ । लगाम ९ को गोलामा वालुवाले पुरिएको अवस्थामा तीन वटा र विजौरा ८ झालाको झोलुङ्गे पुल नजिक एउटा शव फेला परेको स्थानीय बासिन्दाले बताएका छन् ।
शव देखेपछि स्थानीय बासिन्दाले प्रहरीलाई खबर गरेका थिए । खबर आउने बित्तिकै टोली त्यसतर्फ पठाएको जिल्ला प्रहरी कार्यालय सुर्खेतका प्रमुख एसपी विश्वनिरञ्जन प्रधानले जानकारी दिए । भेटिएका शबहरु कालिकोटबाट बाढीमा वेपत्ता भएकाहरुको हुन सक्ने अनुमान गरिएको छ ।

SHARE THIS