डा.जगत प्रसाद दिपद्वारा Single Port Gynecologic Laparoscopy सफल शल्यक्रिया
वीरगंज,जेठ ५, आफ्नो स्थापनाकालदेखि नै छुट्टै किसिमको पहिचान बनाउन सफल वीरगंजस्थित नेशनल मेडिकल कलेजले फेरि पनि एउटा नयाँ रेकर्ड कायम गरेको छ ।नेशनल मेडिकल क्लेज तथा शिक्षण अस्पताल वीरगंजमा Single Port Gynecologic Laparoscopy सफल शल्यक्रिया सम्पन्न भएको हो । सो शल्यक्रिया संभवतः नेपालमै पहिलो पटक भएको अस्पतालले जनाएको छ ।
नेशनल मेडिकल क्लेजमा कार्यरत बरिष्ठ स्त्री, प्रसुती तथा गाइने ल्याप्रोस्कोपी सर्जन डाक्टर जगत प्रसाद दिप द्वारा शिक्षण अस्पतालमा नेपालमै पहिलो पटक Single Port Gynecologic Laparoscopy प्रबिधीबाट महिलाको पाठेघर सम्बन्धि शल्यक्रिया गरिएको हो ।पर्साको गाबिस बागवाना निवासी १६ बर्षिय भुमिका आर्चायको दिशा पिसाव सम्बन्धि समस्या देखेको र हाल सम्म महिनावारी नभएको समस्या देखा परेपछि अस्पताल भर्ना भएकी आर्चायको सफल शल्यक्रिया तथा उहाँको स्वास्थ्य अवस्थामा सुधार रहेको उपचारमा संलग्न प्रमुख चिकित्सक डा. दिपले बताए ।
हाल आर्चायको नेशनल मेडिकल क्लेजको गाइने वार्डमा उपचार भइरहेको छ । शल्यक्रियामा डा. दिपसंगै डा. श्रद्धा राणा, डा. कुमार दिगम्बर र नर्स नसिमा खातुनले महत्वपुर्ण भुमिका निर्वाह गरेको अस्पताल प्रशासनले जनाएको छ ।
Nepalese Rupee Exchange Rate