"पत्रकारमाथि दुर्व्यवहार गर्नेलाई पत्रकार महाससंघले नछोड्ने"

बीरगंज

चैत/ नेपाल पत्रकार महासंघ पर्सा शाखाको बैठक आज महासंघकै निर्माणाधीन भवनमा बस्यो । बैठकले महासंघको ६० औं स्थापना दिवसको अवसरमा २०७१ साल चैत १६ गते बिहान स्थानीय घन्टाघरबाट प्रभात फेरिको आयोजना गर्ने भएको छ भने केही समय अघि नेखि बिभिन्न कार्यालयहरुमा पत्रकारहरु माथि समाचारको लागि सोधपुछ गर्दा र सूचना माग गर्ने क्रममा अभद्र ब्यबहार गर्ने कार्यालय प्रमुख र सम्बन्धित सबैलाई प्रेस स्वतन्त्रतालाई कायम राख्न आग्रह गर्दै निर्भयताकासाथ पत्रकारिता गर्ने सबै पत्रकारहरुलाई आग्रह गर्ने निर्णय गरेको छ । साथै प्रेस स्वतन्त्रता र सूचनाको हक कुन्ठित गर्ने निकायलाई सुध्रन र नसुध्रिएमा महासंघले कानूनी लडाई लड्ने निर्णय गरेको छ । बैठकले संचारकर्मीहरुलाई फोन धम्की दिनेहरुलाई अबिलम्ब पक्राउ गरि कारवाही चलाउन प्रहरी समक्ष माग गरेको छ भने यही १३ गते नेपाल पत्रकार महासंघका कार्य समिती सदस्य संजीव मिश्र उपर सूचनाको हक माग गर्दा अभद्र ब्यबहार प्रदर्शन गर्ने जिल्ला कृषी बिकास कार्यालय पर्साका कार्यालय प्रमुख दिनेश राय यादबसंग घटना बिवरण बुझ्ने र चित्त बुझ्दो जबाफ नआएमा महासंघले आफ्नो गरिमा स्थापित गर्न कुनै पनि कदम चाल्न सक्ने निर्णय समेत गरेको छ । आजै कृषी कार्यालयका प्रमुख यादवसंग महासंघको कार्यसमितिको डेलिगेशनमा आफुले गलत मनसायले नभै स्वर र स्वभाव असमान्य रहेको अवस्थामा केही भनाभन भएको भएपनि पत्रकार मिश्रको प्रतिष्ठा माथि पर्न गएको चोटप्रति दुखित भएको भन्दै माफी मागेका छन ।
बैठकमा अध्यक्ष श्याम बञ्जारा, उपाध्यक्ष धु्रव साह, सचिव कृष्ण उदास खनाल, कोषाध्यक्ष अनुप तिवारी र सदस्यहरु सफल खतिवडा, संजिव मिश्र, लक्ष्मी खरेल, निरंजन मिश्र, प्रणय कुमार, दिपक गौतम, विनोद परियार, कपिलदेव यादव, उत्तम खड्गी र नवराज फुयालको उपस्थिति रहेको थियो ।
((((((((

SHARE THIS