अख्तियारले कसैलाई छाड्दैन: लोकमान

क्राइमचेक प्रतिनिधि/
वीरगंज डेस्क/अख्तियार दुरुपयोग अनुसन्धान अयोगका प्रमुख लोकमानसिंह कार्कीले भ्रष्टाचार नियन्त्रण आयोगको एक्लो प्रयासबाट मात्र सम्भव नहुने बताएका छन् ।
भ्रष्टाचारविरुद्धको अन्तर्राष्ट्रिय दिवसको सन्दर्भमा मंगलबार आयोजित कार्यक्रममा उनले भ्रष्टाचार नियन्त्रण गर्न विश्वव्यापी साझा प्रयासको खाँचो औंल्याए । भ्रष्टाचार नियन्त्रण गर्न राजनीतिक प्रतिबद्धता आवश्यक रहेको उल्लेख गर्दै कार्कीले कानुनलाई आÇनो अनुकुल बनाउन गरिने प्रयासले भ्रष्टाचार बढेको बताए ।
अख्तियारले “सानो माछा”लाई मात्र समायो भन्ने आरोपको खन्डन गर्दै कार्कीले सानो–ठूलो सबै खाले भ्रष्टाचार क्षम्य नहुने स्पष्ट पारे ।
आÇनो काम, कर्तव्य, अधिकार र जिम्मेवारीका बारेमा आयोग सजग रहेको उल्लेख गर्दै प्रमुख आयुक्त कार्कीले कानुनसम्मत रुपमा काम गरिएको समेत स्पष्ट पारे ।
नेपाल सरकारका पूर्वमुख्यसचिव समेत रहेका कार्कीले कर्मचारीतन्त्र अमर्यादित, अनुशासनहीन भएको आरोप पनि लगाए ।
कार्यक्रममा मुख्यसचिव लिलामणि पौडेलले नेपाल भ्रष्टाचारव्याप्त मुलुकको कोटीमा पर्नु दु:खद भएको भन्दै सदाचारलाई सबैले ग्रहण गर्न सक्नुपर्ने बताए । भ्रष्टाचारको मामलामा निमर्म नबने भ्रष्टाचार अन्त्य गर्न नसकिने बरु भ्रष्टाचार पुस्तान्तरण हुने खतरा रहने उनको भनाइ थियो ।
मुख्यसचिव पौडेलले भ्रष्टाचारको माध्यम नबन्न निजामती कर्मचारीहरुलाई निर्देशन पनि दिए ।
“भ्रष्टाचारविरुद्धको सहकार्य सुशासनको लागि अपरिहार्यता” भन्ने नाराकासाथ मंगलबार देशभर भ्रष्टाचारविरुद्धको अन्तर्राष्ट्रिय दिवस मनाइएको थियो ।

SHARE THIS