वीउवासंघद्वारा बाढी पीडितलाई ५१ हजारको सहयोग

वीरगंज,
सिन्धुपाल्चोकको पहिरो पीडित घरपरिवारको राहतको लागि वीरगंज उद्योग वाणिज्य सङ्घले ५१ हजार बराबर रकमको चेक हस्तान्तरण गरेको छ । सङ्घका अध्यक्ष अशोक कुमार वैध तथा पदाधिकारीहरुले आज एक समारोह बीच पर्साका का.मु. प्रमुख जिल्ला अधिकारी योगराज पाण्डेको उपस्थितिमा चेक हस्तान्तरण गरिएको छ ।
गत साउन १६ गते सिन्धुपाल्चोकको मांखा, राम्चे तथा टेकानपुर र धुस्कुन गाविसहरुमा बाढी पहिरोबाट अरबौं रुपैयाँ बराबरको जनधन नष्ट हुनुको साथै हजारौं घरपरिवार घरवार विहीन भएका छन् ।
चेक हस्तान्तरण कार्यक्रममा वीउवासङ्घका उपाध्यक्ष सुबोध कुमार गुप्ता, सह–कोषाध्यक्ष दीपक टिबडेवाल, सह–सचिव मनोज शर्माको उपस्थिति रहेको थियो ।

SHARE THIS