वीरगंज/जिल्ला अस्पताल बाराको अकास्मिक कक्षमा चिकित्सक नभएका कारण विरामीहरुले अहेव र पियनसँग उपचार गराउन बाध्य भएका छन् ।
आकास्मिक कक्षमा दक्ष चिकित्सक नहुदा उपचारमा कठिनाई भएको एक अहेवले बताएका छन् । दक्ष चिकित्सक अभावका कारण विशेष गरी कटपिट, दुर्घटना, विष सेवन, सर्प टोकाई, भाइरल ज्वरो, एपेन्डिसाइटसलगायतका विरामीहरुलाई उपचारम कठिनाई भएको अस्पताल स्रोतले जनाएको छ । गएराति मात्र विरामीका आफन्त र अहेव विच तनाब भई केही सेवा समेत बन्द भएको थियो ।
यसैबीच अपरेशन कक्षका कार्यरत डाक्टर अभिसेक सिंह पनि गत असार ३२ गतेदेखि अस्पतालमा अनुपस्थित भएपछि अस्पतालमा अपरेशन सेवा समेत बन्द भएको छ । मासिक एक लाख पचास हजार रुपैयाका करारमा कार्यरत डाक्टर सिंह ३२ गतेदेखि अनुपस्थित भएपछि झन समस्या भएको अस्पताल स्रोतले जनाएको छ । अस्पतालका मेडिकल सुपरिटेन्डेन्ट डाक्टर सुन्दरश्याम झा विगत एक हप्तादेखि बाहिर रहेकाले अस्पतालका विभिन्न किसिमका समस्याहरुको समाधान गर्नै कठिनाई हुने गरेको निमित्त प्रमुख डाक्टर मुक्तिनारायण साहले बताउनुभयो । यस्तै अस्पतालमा ल्याबको सुविधा हुदा हुदै पनि ल्याबमा कार्यरत कर्मचारीले ल्याब जाचका लागि विरामीहरुलाई निजी ल्याब सेन्टरमा जाच गराउन पठाउने गरेको समेत बताइएको छ ।
प्रकाशित मिति: २०७१ साउन ८ गते बिहीवार
Nepalese Rupee Exchange Rate