सबै तह, तप्का र वर्गबाट समय–समयमा प्रदान हुने सहयोग एवं प्रेरणा हुँदाहुँदै पनि क्राइम चेक पत्रिकालाई थप स्तरीय बनाउन नसकेकोमा क्राइम चेक परिवार आफैंमा दु:ख व्यक्त गर्दछ । मुलुकमा राज्यले राज्य संचार गरि स्थापित गर्नुपर्ने दिगो राजनीतिक व्यवस्थाको कार्यरुप अर्थात् नयाँ संविधान निर्माण गर्न सकेको छैन । लामो संक्रमणकालको कालो आँधिबेहरीले अस्तव्यस्त एवं काकाकूलको स्थितिले चौतर्फि आर्थिक संकट गहिरिंदै गएको छ । भनिन्छ पत्रकारिता फस्टाउने मूल आधार भनेको औद्योगिक विकास हो । औद्योगिक क्रान्ति त छोडौं गणतन्त्रको मसिहा अर्थात प्रेरक राजनीतिक दलका नेताले नयाँ संविधान निर्माण गर्न सकिरहेका छैनन् । यसर्थ मुलुकको आर्थिक अवस्था ओरालोतर्फ लागेकोले नै संचारमाध्यमको मूल श्रोत पत्र–पत्रिकामा प्रत्यक्ष प्रभाव पर्नु स्वाभाविक पनि हो । यसर्थ आउँदो संविधान निर्माण कार्य पूरा होला यसैमा नै हामी आशावादी छौं र मुलुकले दिशाबोध लिने छ । मुलुकमा प्रकाशित पत्रपत्रिकाले पाठक वर्ग र अर्थात नेपाली जनताका चाहना अनुरुप स्तरीय पत्रकारिताको विकासको प्रारम्भ हुनेछ । यही नै वास्तविक यथार्थ पनि हो ।
समय, काल, परिस्थिति तथा घटनाक्रमको सूचना यथासक्य छिटो, छरितो र स्तरीय एवं विश्वसनीयता प्रदान गर्ने कार्यमा क्राइम चेक साप्ताहिक पत्रिकाले कुनै पनि कन्जुस्याईं गर्ने छैन भनि सातौं वर्षमा प्रवेश गरेको अवसरमा हामी सबै पाठक, शुभेच्छुक, एवं विज्ञापनदाताप्रति आभार प्रकट गर्दछु ।
अन्त्यमा, मोफसलबाट निस्किने पत्रपत्रिकालाई राज्यको हेपाहा दृष्टिको कोपभाजनमा परेको क्राइम चेक स्थानीय निकायको विज्ञापन तथा स्थानीय सरकारी तथा गैर सरकारी निकायबाट विज्ञापन तथा सहयोग नपाउँदा नपाउँदै पनि आजसम्म दु:ख, दर्द तथा कष्टमा सहभागी भई मद्दत एवं सहयोग पुर्याउनुहुने स्थानीय उद्योगी–व्यापारी तथा पाठकवर्गहरूप्रति क्राइमचेक साप्ताहिक परिवार हार्दिक आभार प्रकट गर्दछ । यहाँहरूबाट प्राप्त सहयोगले राष्ट्रहितको मुद्दामा निरन्तर कलम चलाउन उत्प्रेरित गरिरहने भएकोले आउँदा दिनमा पनि यसैगरी सहयोगको अपेक्षा राख्दछु ।
प्रकाशित मिति:२०७१ साउन १ गते बिहीवार
इ पेपरमा पढ्न यहाँ थिच्नुहोस्
Nepalese Rupee Exchange Rate