वीरगंजको पत्रकारिता र स्व. गिरीको आचार संहिता

वीरगंजमा केहि दिन देखि पत्रपत्रिकालाई माध्यम बनाई चरित्र हत्या गर्ने प्रयास भइरहेको छ । पत्रकारिताको आचार संहिता उल्लघन गरी समाचार सम्प्रेषण गरिरहेका छन् । 

आर्थिक नगरी वीरगंजमा बसोबास गर्ने उद्योगपति, बुद्धिजीवि, समाजसेवी, विद्यार्थी, शिक्षक, राजनीतिकर्मीहरुमा नकारात्मक असर पर्न गएको छ । वि.स.२०५० सालमा नेपाल पत्रकार महासंघका पूर्व अध्यक्ष एवं पूर्व मेयर स्व. गोपाल गिरीले पत्रकारिताको आचार संहिता वीरगंजबाट नै सुरु गर्नुभएको थियो । आज १४ अञ्चल ७५ जिल्लाका पत्रकारहरुले स्व. गिरीले सुरुवात गरेको आचार संहिताको नियम पालना गरेका छन् । तर पर्सेली पत्रकारितामा सबै जिल्लाभन्दा बढी आचार संहिता उल्लघन गरेको पाईएको छ । पत्रकारलाई देशको चौथो अंगको रुपमा लिने गरिन्छ ।

पत्रकारले पत्रिकामा समाचार सम्प्रेषण गरेपछि पाठकवर्गले सत्य तथ्य समाचार प्रकाशित गरेको ठान्छन् । 

हाल आएर वीरगंजमा केहि पत्रिकाहरुले आफ्नो व्यक्तिगत रिसिइभीका कारण समाचार सम्प्रेषण गर्दै आइरहेका छन् । वीरगंजबाट प्रकाशित हुने आलिशान दैनिक र देशको अस्तित्वले तल्लो स्तरको भाषा प्रयोग गरी समाचार सम्प्रेषण गरिरहेका छन् । एकाबिहान देश विदेशका समाचार हुनुपर्ने स्थानमा गाली गलौज गर्ने समाचार पढ्न पाइएको छ । स्व. गोपाल गिरीले आचार संहिता वीरगंजबाट सुरु गरेको केहि पत्रकारहरुले गिरीले सुरु गरेको मार्ग हिड्नु पर्ने देखिएको छ । नत्र पर्सेली पत्रकारहरु बद्नाम हुनेछन् ।

SHARE THIS