नेपाल धर्म निरपेक्ष राष्ट्र बन्नु पछाडी ठूलो रहष्य लुकेको छ । धर्म निरपेक्ष राष्ट्र घोषणा पछिको सात वर्षमा हिन्दू र वुद्ध धर्मका अनुयायी ४५ लाख नेपाली जनता क्रिश्चियन धर्मका अनुयायी बनेका छन् । धर्म निरपेक्ष राष्ट्रको उपलब्धी यही हो । धर्म परिवर्तन गर्न धार्मिक र कानूनी अपराध हो । यो दण्डनीय छ, तैपनि दिन गुनी रात चौगुनीले नेपालीहरू क्रिश्यिचन बनिरहेका छन् ।
हिन्दु धर्म र वुद्ध धर्म, संस्कृति र सम्पदा भन्दा निकै राम्रो रहेछ भन्नेहरूको भाषा, संस्कार, संस्कृति र धर्म निकै राम्रो रहेछ भन्ने प्रभाव पारेर हिन्दूहरुको स्वाभिमान गिराउन र नेपालको प्राकृतिक सम्पदामाथि प्रभुत्व जमाउन पश्चिमा राष्ट्रहरू जुर्मुराइरहेका छन् । हरेक पार्टीका नेताहरू पश्चिमा राष्ट्रको गुलाम र दलाल बनेका छन् । क्रिश्चियन धर्मको बढ्दो प्रभाव र विदेशीको चलखेलले पुरानो द्वन्द्व व्यवस्थापन र संविधान निर्माण नह।ँदै नयाँ द्वन्द्व सिर्जना भएको अवस्था छ ।
धर्म निरपेक्ष राष्ट्र घोषणामा सहिछाप गर्ने कुनैपनि राजनीतिक दलका नेताहरूलाई “न्याउरी मारी पछुतो”छैन । आफ्नो गर्व र गौरव गुमेकोमा दु:ख छैन । जनताकालागि भनेर नथाक्ने नेपालका दलका नेताहरूले नेपाली जनताहरूको माग नै नरहेको “धर्म निरपेक्ष राष्ट्र” घोषणा गरेर ठूलो ऐतिहासिक भूल र पाप गरेका छन् । उनीहरूले पश्चाताप गर्नैपर्छ । प्रायश्चित गर्ने ठाउँ छैन । धर्म निरपेक्षता २०६२/०६३को जनआन्दोलनको नारा थिएन । नेपालका सबै पार्टीका गुट, फूट, लूटवादी नेताहरूको द्रव्यपिचाश मानसिकताको उपज हो । धर्म निरपेक्षता धार्मिक स्वतन्त्रताका नाममा, धर्म निरपेक्षताका नाममा धर्म परिवर्तन गराउने अधिकार कसैलाई छैन । युरोपियन युनियन जस्लाई क्रिश्चियन युनियन पनि मानिन्छ यो उसको निहित स्वार्थको द्वन्द्वको एउटा उदाहरण हो । नेपालमा यसको सफल अभ्यास गरेर चीनलाई दु:ख दिने उनीहरूको वृहत्त योजना र षडयन्त्र हो ।
कृश्चियन र हिन्दूहरुको लडाई ढिलो चाँडो नेपाली माटोमा हुने निश्चित छ । हिन्दुलाई सघाउने पार्टी एकातिर विदेशी क्रिश्चियनलाई सघाउने पार्टी अर्कोतिर देखा परेको छ । अबको द्वन्द्व धार्मिक द्वन्द्व नै हो । अस्तु ।
प्रकाशित मितिः२०७१ असार १२ गते बिहीवार
Nepalese Rupee Exchange Rate