नेपालको अजब पार्टीका गजब नेताहरु

रामचन्द्र झा

क्राइमचेक प्रतिनिधि÷

वीरगंज÷२०६९ चैत्र ८ गते एमाले पार्टी मुख्यालयमा फ्याक्स मार्फत राजिनामा पठाएर नेकपा एमालेका नेता रामचन्द्र झाले पार्टी परित्याग गरेका घोषणा गरे । झाले बिहीबार बिहान अध्यक्ष झलनाथ खनाललाई सम्बोधन गरिएको फ्याक्स मुख्यालय बल्खुमा पठाएर पार्टी परित्याग गरेको घोषणा गरेका रैछन र निजले पार्टी परित्याग गरेको घोषणा गर्ना साथ सोहि दिन बिहीबार काठमाण्डौ पेरिसडाँडामा बसेको एमाओवादी बैठकले एमाले पार्टी छाडेका भारती नागरिक रामचन्द्र झालाई आफ्नो पार्टीमा स्वागत गर्ने निर्णय गरेको रे छ ।  

                धनुषा जिल्लाको सिंगीयाही गा.बिस. बस्ने देवेन्द्र यादवले एमालेका नेता रामचन्द्र झा भारतीय नागरिक हो र निजको सक्कली वतन भारतस्थित मधुवनी जिल्लाको हरखाली करुणा पञ्चायत भएकोले निजले के कसरी वंशजको आधारमा नेपाली नागरिकताको प्रमाणपत्र पाए ? त्यसैले निजको नागरिकता बदर गरि नागरिकता ऐन बमोजिम कारबाही होस भनेर सर्वोच्च अदालतमा दिएको “झुट्ठा नागरिकता” सम्बन्धी मुद्दाको फैसला हाल सम्म भएको छैन । बाबु भारतीय भए पछि छोरा कसरी नेपाली भए ? झा को सम्पूर्ण परिवारको बसोबास नै भारतमा छ भने निजलाई २०४५ सालमा कसरी वंशजको आधारमा नेपाली नागरिकताको प्रमाण पत्र दिईयो ?

                रामचन्द्र झा एमालेका सिपाही हुन् । तल्लो तहबाट बढुवा हुँदै पार्टीको केन्द्रिय सदस्य हुँदै स्थानिय मन्त्री समेत बन्न सफल भै सकेका निज रामचन्द्र झा भारतीय नागरिक हुन भन्ने कुरा के एमाले पार्टीलाई थाहा थिएन र ? थाहा हुँदाहुँदै पनि एमालेले किन राज्य र जनता प्रति यस्तो जनघाती काम गर्यो ? पार्टीमा प्रवेश गरे देखि अन्त्य सम्म “माक्र्सवाद तथा लेनिनवाद” को मूल मन्त्र अंगाल्ने पार्टीमा यस्तो जघन्य अपराध को कसले गरे ? सो को हाल सम्म किन छानबिन भएन ? यो कुरा एमाले पार्टीका सम्पूर्ण तह र तप्काका नेता देखि कार्यकर्ता तप्का सम्मकाले बुझ्नु अत्यन्त जरुरी छ ।

                रामचन्द्र झा मात्र हैन अन्य पार्टी अझ धेरै संख्यामा खासगरी मधेशवादी दलमा समेत भारतीयलाई नेपाली नागरिक बनाएर पार्टीका उच्च पद दिईने गरेको छ । चाहे सद्भावना पार्टीका सरिता कुमारी गिरी होस या अन्य पार्टीका । भारतीय हो भनेर थाहा हुँदाहुँदै पनि किन यस्तो घृणित काम कार्य गर्छन् हाम्रा पार्टीका नेताहरु ? “चोर भन्दा चोर्न लगाउने अथवा उक्साउने व्यक्ति ठूला अपराधी हैनन् र ? अनि त्यस्ता मुख्य अपराधी लाइ चैं किन कारबाही हुँदैन ? के त्यस्ता व्यक्तिलाई कारवाही गर्ने कुनै ऐन कानुन नै मुलुकमा नभएको हो कि ? के नेपालमा “ठुलालाई चैन र सानालाई मात्र ऐन” हो कि ?

प्रकाशित मितिः २०६९ चैत्र २२ गते बिहीवार

SHARE THIS