अभिभावकको झगडामा बालकको हत्या

क्राइमचेक प्रतिनिधि÷

रौतहट÷ जिल्लाको एक गाउँमा पानीको विषयलाई लिएर दुई अभिभावक बीच भएको झगडाले उग्ररुप लिएपछि एकजना बालकको हत्या भएको रौतहट प्रहरीले जनाएको छ ।

                जिल्ला प्रहरी कार्यालय रौतहट गौरले मंगलवार आयोजना गरेको पत्रकार सम्मेलनमा जिल्ला एक जना बालकको हत्यामा संलग्न रहेको आरोपमा दुई जना महिलालाई नियन्त्रणमा लिएको छ ।

जिल्लाको कर्कच कर्मैया गाविसका बालकको हत्यामा संलग्न रहेको भन्दै त्यही गाउँका दुईजना महिलालाई पक्राउ गरी प्रहरीले मंगलवार पत्रकार सम्मेलनमार्फत सार्वजनिक गरेको हो ।

                हत्यामा संलग्न रहेको आरोपमा स्थानीय ४० वर्षिया रजियादेवी र बालककै ठूली आमा पर्ने ३५ वर्षिया लालुदेवीलाई पक्राउ गरी सावर्जनिक गरिएको हो  यही फागुन १० गते ककर्च कर्मैया –९ टिकुलिया बस्ने बिनोद राय यादवका ७ वर्षिय छोरा शिवजी राय यादवको हत्या भएको थियो ।

                केही महिना अघि पानीको विषयलाई लिएर बालकको आमासँग झगडा भएको र त्यसकै रिसईवीमा बालकको हत्या गरिएको अनुसन्धानबाट खुलेको प्रहरीको भनाई छ । बालकलाई मिठाई खुवाउने प्रलोभन देखाएर  हत्या गरिएको प्रहरीले जानकारी दिएको हो । स्थानीय शंकर राय यादवको उखु बारीमा घाँटी काटेर फालिएको अवस्थामा शव फेला परेको थियो ।

SHARE THIS