प्रहरीद्वारा चॉदीको सामान बरामद

वीरगंज ६ फागुनःसशस्त्र प्रहरीले चेकजॉच गर्ने क्रममा वीरगंज भंसार गेट अगाडीबाट आज दिउसो चादी बरामद गरेको छ । मोटरसाईलकमा चादी लुकाई छिपाई वीरगंजबाट सिमावर्ती शहर रक्सौल लैजॉर्दै गरेको अवस्थामा सशस्त्र प्रहरी बल भंसार तथा राजश्व गस्ती टोली भंसारले चेकजॉच गरी ३ किलो ७ सय ५० ग्राम चॉदी बरामद गरेको हो ।

बा ३९ प ४०५९ नम्बरको सिबीजेड मोटरसाईकलमा चादीबाट निर्माण गरिएको विभिन्न गरगहनाको समानहरु लुकाई छिपाई सिमावर्ती शहर रक्सौल तर्फ लगिरहेको अवस्थामा पक्राउ गरिएको सशस्त्र प्रहरी नायब उपरिक्षक रुप कुमार क्षेत्रीले बताउनु भयो ।
भंसार गेट अगाडी चेकजाचमा खटीएको सशस्त्र प्रहरीलाई देख्नासाथ चादी तस्कर मोटरसाईकल छोडी भाग्न सफल भएको सशस्त्र प्रहरी नायब उपरिक्षक क्षेत्रीले बताउनु भयो । बरामद गरिएको चादीको गरगहना करिब ३ लाख ५३ हजार रहेको र आवश्यक कारवाहीको लागि मोटरसाईकल सहित चादीलाई भंसार बुझाएको सशस्त्र प्रहरी नायब उपरिक्षक क्षेत्रीले बताउनु भयो ।

SHARE THIS