क्राइमचेक
प्रतिनिधि/वीरगंज/ कानुन मिचेरै भएपनि वर्तमान
समस्याबाट मुलुकलार्इ निकास दिन सबै दल एकजुट हुनुपर्नेमा उपराष्ट्रपति परमानन्द झाले
जोड दिएका छन् ।
रौतहटबाट राजधानी काठमाण्डौ फर्कने
क्रममा बुधवार सिमरा विमानस्थलमा सञ्चारकर्मीहरूसँग कुरा गर्नुहुँदै उपराष्ट्रपति झाले
सो कुरा बताउनुभएको हो । उनले संविधान सभाको विघटनसँगै निम्तिएको वर्तमान समस्याको
निकासका लागि कानुन मिचेर कदम चाल्नुको विकल्प नभएको बताए ।
संविधानसभामा प्राप्त गरेको
मतलार्इ आधार बनाएर ठूला र साना दल भनेर कसैले पनि घमण्ड नगर्न पनि उपराष्ट्रपति झाले
आग्रह गरे ।
संविधानसभा विघटन भइसकेकाले त्यतिबेला
प्राप्त गरेको मतको अहिले कुनै तुक नरहेको उनको भनाइ थियो । निर्वाचन आयोगमा दर्ता भएका
सबै दल समान रहेकाले अहिलेको अवस्थामा सबैको समान हैसियतलार्इ आधार स्तम्भ बनाएर समस्याको
निकासका लागि लाग्न उनले दलहरूलार्इ सुझाव समेत दिएका थिए ।
(प्रकाशित मिति २०६९ माघ ४ गते बिहीवार)
Nepalese Rupee Exchange Rate