"अनाथालयको नाममा गुण्डागर्दी"–दाता

काठमाडौ/टुहुरा बालबालिकाको संरक्षण गर्ने नाममा ललितपुरको धापाखेलमा खुलेको ह्‍याप्पि होम र्इन्टरनेशनल स्कुलका सञ्चालकहरुले विदेशी डोनरलार्इ धम्क्याउन थालेपछि स्लोभाकियाका तीन नागरिक सहित सो स्कुलका शिक्षक असुरक्षित बनेका छन्‍ । 

   सो स्कुलका सञ्चालक विश्वप्रताप आचार्य र पुजा पोख्रेलले स्कुलका नाममा खेलेको एक वेभसार्इडमा राखिएको ७०

जना बालबालिका टुहुरा रहेकोले आफूहरुले उद्धार गरेर संरक्षण गरेको सहितको कथा हेरेर एक बालबालिका बराबर मासिक ६० यूरो डलरकोस्लोभाकियाका जुजना, मार्टिन र र्इभाले सहयोग गर्दै आएका थिए ।

      आफूले संरक्षण गरेका बालबालिकालार्इ हेर्न नेपाल आएका उनीहरुले यहाँ आए पछि वेभसार्इडको कथा र वास्तविकतामा फरक पाएपछि सो विषयमा असन्तुष्टि प्रकट गरेका थिए । त्यसपछि सो स्कुलको यथार्थ बताउने शिक्षक किशोर कुँवर र विदेशी डोनर सञ्चालकहरुको गुण्डागर्दीबाट पछि असुरक्षित बनेका हुन ।    

  स्कुलमा आश्रय लिर्इरहेका बालबालिका, डोनर र शिक्षकहरुले बुधवार रिपोर्टर्स क्लब नेपालमा पत्रकार सम्मेलन गरेर अनाथको नाममा बाबुआमा भएका बालबालिकालार्इ ललार्इ फकार्इ राखेर मोटो रकम असुलेको र अहिले आए अपरहण गर्ने र वेपत्ता बनाउने सम्मका धम्कि दिएको गुनासो पोखे ।

      उनीहरुका अनुसार निशुल्क पठार्इ दिने लोभमा आमाबाबुलार्इ फकाएर स्कुलमा ल्यार्इएका बालबालिकाहरुलार्इ सञ्चालकद्धयले कुट्‍ने पिट्‍ने, बालश्रममा लगाउन, खाना पकाउन, लुगाधुन लगाउने सम्मका काम गरार्इ यातान दिने गरेका थिए । डोनर स्लोभाकियाका नागरिकहरुले आफूहरुको सहयोगको दुरुपयोग भएको भन्दै स्कुलमा बाबुआम हुँदा हुँदै पनि राखेका ६५ जना लार्इ अविभावककै जिम्मा लगाउने र बाँकी टुहुरा ५ जनालार्इ विश्वासिलो बालगृहको जिम्मा लगाउने तयारी गरे पनि आफूहरुलार्इ अपहरणको कोशिश सहित धम्क्याउने गरेको डोनर जुजना र शिक्ष्ाक कुँवरले दाबी गरे ।

      सञ्चालकको दादागिरी विरुद्ध उनीहरुले जिल्ला प्रहरी कार्यालय ललितपुर, पर्यटक प्रहरी भृकुटी मण्डप र केन्द्रीय बालकल्याण समितिमा उजुरी गरे पनि उनीहरुले सञ्चालकहरुलार्इ नै संरक्षण गरिरहेको मार्टिनले गुनासो गरे ।

    पत्रकार सम्मेलनमा बौद्ध बस्ने आम सहित उपस्थित भएकी सोही स्कुलमा बस्ने छोर्इसाङ तामाङले आफूहरुलार्इ फकाएर स्कुलमा ल्याएर याताना दिएको सुनार्इन । उनले आफूले बारम्बार आमाबाबासँग जान्छु भन्दा पनि नदिएको बतार्इन ।

      रौतहट घर भर्इ हाल बौद्ध बस्ने आमासहित उपस्थित भएका मजबुल्ला खानले पनि आफूहरुलार्इ गाह्रो गाह्रो काम गर्न लगाएको र यातना दिएको सुनाए ।(रिपोटर्स क्लव नेपालबाट)

(प्रकाशित मिति २०६९ माघ ४ गते बिहीवार)

SHARE THIS