चुनौती र संभावना

नेपाल र नेपालीको अस्तित्व र भविष्य सुनिश्चित गर्न चुनौतीसँगै प्रशस्त संभावना पनि छ । चुनौतीसँगै अवसरै अ वसर पनि छ । माल पाएर पनि चाल नपाएको अवस्था छ । नेपालको धार्मिक, सांस्कृतिक, ऐतिहासिक, पर्यटकीय कलहले गर्दा महत्वहीन भएको छ । विकास र परिवर्तनका नाममा विनाश भइरहेको छ । प्राकृतिक र जैवीक विविधताको धनि, प्राकृतिक साधन र श्रोतको धनी नेपाल विपन्न देश भएको छ । जनताको जीजनस्तर वैदेशिक रोजगारीले केही उकालो लागेपनि राष्ट्रवादको प्रयास, नीति र कार्यक्रमले नेपाली जनताको जीवनस्तर उकास्न उल्लेखनीय काम कहिं कतै गरेको छैन । नेपाल विश्वको सर्वोच्च हिमशिखर सगरमाथा र विश्व शान्तिका प्रवर्तक भगवान वुद्धको जन्मस्थल हिन्दूहरुको बाहुल्यता रहेको हिन्दू सापेक्ष धर्म निरपेक्ष राष्ट्रभएपछि दिन दुनी रात चौगुनीका दरले क्रिश्चियन धर्म परिवर्तन अभियान चलेको छ जसले गर्दा कुटनीतिक सन्तुलन, राजनीतिक सन्तुलन खलबलिएको छ । जानीबुझीकन धार्मिक द्वन्द्व निम्त्याएको छ । अशान्ति, द्वन्द्वले पर्यटनको प्रवद्र्धन गर्न दिंदैन ।

यतिखेर जताततै देशलाई भत्काउने कार्य मात्र जारी छ । राज्यको पुनर्संरचना भनेको भएको भत्काउनु, नयाँ निर्मार्ण गर्न नसक्नु नै हो त ? प्राचीन स्मारकहरू हिन्दू र बौद्धहरुको आस्थाका केन्द्रका रुपमा रहेकालाई महाभूकम्पले धक्का दियो । महाभूकम्पबाट बचेको कुरालाई नयाँ संविधान जारीपछिको राजनीतिक र कुटनीति परिस्थितिले तहसनहस संहार गर्ने कार्य जारी छ । नेपाल विश्वको अद्वितीय । अनुपम प्रकृतिक एवं सांस्कृतिक सम्पदाको केन्द्रको रुपमा रहेको मुलुक हो । पर्यटन, जलविद्युत, कृषिलाई पहिलो प्राथमिकता दिएर यसको विकास र प्रवद्र्धनमा केन्द्रित हुने हो भने नेपाल विश्वका समृद्ध राष्ट्रहरुको हाराहारीमा पुग्ने छ ।
विश्वले प्राकृतिक सुन्दर देश नेपालमाथि आँखा गाडेका छन् । नेपालबाट विश्वका पर्यटक हौसिएका छन् । नेपालको कुशासन र अकुशल नेतृत्व नेपालको विकासको बाधक बनेको छ । नेपालको अर्थतन्त्रमा आमूल परिवर्तन गर्ने प्रवल संभावना छ तर कौवालाई बेल पाक्यो हर्ष न विस्मातको अवस्था छ ।

अनेकताबीचको एकता नेपालको मौलिक पहिचान भत्काउने कार्यले देशको विकास होला त ? हिमाल, पहाड, तराई मधेशको सर्वाङ्गिन विकास नै नेपाल र नेपालीको विकास हो ।

(प्रकाशन मितिः२०७२ माघ २१ गते बिहीवार)

SHARE THIS