मुश्लिम देशहरुको प्राचिन ,पौराणिक , एतिहाँसिक चर्चा

–प्रवीण अधिकारी

अरब शब्द संस्कृतको " और्ब " हो जसको अर्थ हो घोडा ! अरबी घोडा विश्वमा चर्चित छन् ! शुक्राचार्यले यहि बसेर शैव मतको प्रचार गरेका थिए ! त्यसकारण उनलाई कवि भनियो र कवि शब्द अरबीमा काबा हुन् पुग्यो ! काबा तीर्थ इस्लाम मतको एक तीर्थस्थल हो जहां मुसलमानहरु हज गर्न जान्छन ! हजको अर्थ हो " मुण्डन " ! " हज " शब्द बाटै " हजामत " शब्दको उत्पति भएको हो ! तीर्थमा आई मुण्डन गर्नु आर्य परम्पराको द्द्योतक हो ! हिन्दूहरु तीर्थमा गइ कपाल लुड्याउछन ! मुण्डन गर्दछन ! त्यस्तै मक्कामा हजामत संस्कार गर्ने गरीन्छ ! सनातनी हिन्दूहरुका पौराणिक ग्रन्थहरु अनुसार मक्कामा कर्मकाण्डी मग ब्रााहृणहरु उहिले बस्ने गर्थे ! तिनीहरुलाई हुसैनी ब्रााहृण पनि भन्ने गरिन्थ्यो ! ईरानी भाषामा मग भनेको तीर्थ पुरोहित हो ! हामी सनातनी हिन्दूहरुको तिर्थको पण्डा जस्तै ! शेखहरु अरबका शीर्ष व्यक्तिहरु हुन् ! जसरी सनातनी हिन्दूहरुमा शीर्ष ब्रााहृणहरु हुन्छन ! त्यै शीर्ष शेख हो ! शेखनै त्यहाका धर्माधिकारी हुन् ! मुहम्मद साहब शीर्ष थिए ! तिनैका वंशधर शेख कहलिए ! कूर्मपुराणमा " मग " को उल्लेख गरिएको छ ! त्यै मग कालान्तरमा मक्का हुन् पुग्यो र मन्दक मदीना "मग मन्दग....." हुन् पुगेको हो !

तुर्किस्तान 
=======
उहिले तुर्किस्तान अरब भित्रै थियो ! त्यहाँका मान्छेहरु नक्षत्र पूजा गर्ने गर्दथे ! चन्द्रमा र नक्षत्र तिनको संस्कृतिको अभिन्न अंग थियो ! तिनको झण्डामा चन्द्रमा र नक्षत्र (तारा) हुने गर्थे ! त्यस ठाउँका स्वास्नी मान्छेहरुले तारा युक्त लुगा लाउने गर्थे ! नक्षत्र पूजा गर्ने प्रेरणा अरवीहरुले तुर्कहरुबाट पाएका हुन् किनभने त्यस क्षेत्रमा सर्वप्रथम तुर्कहरुलेनै नक्षत्र पूजाको शुभारम्भ गरेका थिए ! कुनै समयमा इराक नक्षत्र पूजक मुलुक थियो ! त्याँहा चन्द्र मन्दिरहरु थियो ! ईश्लामी देशहरुमा आज पनि हामी सनातनी हिन्दूहरुको चान्द्र बर्षनै " हिजरी सम्बत " नामकरण गरी प्रयोगमा ल्याइने गरिएको छ !

हिन्दू ग्रन्थहरु द्वारा अरब क्षेत्रको पौराणिक वर्णन :
================================

चन्द्रवंशी राजा ययातिका दुई रानीहरु थिए ! देवयानी र शर्मिष्ठा ! देवयानी शुक्राचार्य र शर्मिष्ठा वृषपर्वाकी छोरी थिइन् ! देवयानीले यदु र तुर्वसु लाई जन्म दिएकि थिइन् र शर्मिष्ठाले द्रह्रु, अनु र पुरुलाई ! ययातिले दक्षिण र पूर्व भागमा तुर्वसुलाई राजा बनाएका थिए जसलाई तुरुष्क भनियो त्यै तुरुष्क अपभ्रंश भएर आज तुर्क हुन् पुग्यो ! तुरुष्कले आफ्ना चान्द्र बंशी पुर्खाहरुलाई भने बिर्सन सकेनन ! तिनीहरुले आफ्ना पुर्खाहरुको स्मृतिमा चन्द्र पर्व मनाउन थाले जुन " ईद "को रुपमा प्रचलित हुन् पुग्यो ! यी राजाहरुको झण्डामा चन्द्रमा र तारा देखाइयो ! उता श्रीकृष्णले गीतामा विराट दर्शन गराउदाको समयमा अर्जुनलाई भनेका थिए "म तारा /नक्षत्रहरुमा चन्द्रमा हूं " ! (नक्षत्राणां अहम् शशी)! चन्द्रमाको छोरो बुध थिए जो हरीयो रंगका थिए ! इस्लामी देशहरुमा हरीयो रंगको महत्व बढदै गएर हरियाली र मंगल सूचक मानिन थालियो ! शान्ति शन्देश दिन प्रत्येक बर्ष अघिल्लो बर्षको ११ दिन पहिले " शुभ दर्शन " गराउने उद्द्येश्यले ईद पर्व मनाइन्छ र त्यै इदले तिनका आर्य पुर्खाहरुको सम्झना गराउदै आएको कुरा हामी सनातनी हिन्दुहरु र मुश्लिमहरुले बिर्सिन मिल्दैन !

ईरान
====

महाभारत कालमा ईरानलाई " आर्याण " भनिन्थ्यो ! जहां राजा शाल्वले राज्य गर्दथे ! ती महाभारत युद्धमा समेत भागलिन त्यहाँदेखि आएका थिए ! त्यस बाहेक त्यस भूभागका थुप्रै राजाहरुले महाराज युधिष्ठिरले गरेको राजसूय यज्ञमा भाग लिएका प्रमाण महाभारत पढदा देखिन्छ ! त्यतिखेर ईरानका राजाहरुको उपाधी " आर्य मिहिर " थियो ! ईरानी भाषामा आर्य भाषाहरु प्रसस्त भेटिञ्छन ! जस्तो - मित्र (सूर्य) मिथ्र ,अग्नि आतर , यम लाई यिम ,र इन्द्रलाई बरथ्रहन जुन वृत्रासुरन्धको अपभ्रंश हो ! ईश्लामको आंधी बेरीले यिनलाई मुसलमान बनाए पनि तिनको मूल आर्यहरु भएको कुरो मेटाउन सकेन ! ती सोम अर्थात होमको पूजा अहिलेपनि गर्दछन !

ईरानीहरु प्राचिन विशिष्ट आर्य सौन्दर्यबाट सुसज्जित थिए ! ईरानको माटोमा सौन्दर्यकी देवी अप्सराहरुको गाउँ थियो ! जसलाई पैरिक भनिन्थ्यो ! संस्कृतको " परी " शब्दबाटै पैरिक बनेको हो ! ज्ञानथैयति एउटि देव परी थिइन् ! गान्धार जाति यसै क्षेत्रमा बस्तथे ! त्यतिखेर इनिहरुको संगीत स्वर लहरीबाट ईरानी उपत्यकाहरु गुन्जिंथ्यो ! काम गोत्रजा " कामायनी " यै गान्धारकी छोरी थिइन् ! उनले भेडाको ऊनबाट बनेको पारदर्शी लुगा लाउने गर्थिन ! ऋषि जरथुश्ट्र ईरान का थिए जो आर्यहरु जस्तै अग्निका उपासक थिए ! त्यतिखेर " अहुर मज्द " लाई यस देशको देउता मानिन्थ्यो ! त्यसताका आजको ईरान पारसिक, पह्लव, पारद आदि आर्य शाखाहरुको केन्द्र थियो ! ईनको भेषभूषा र लुगा सलवार, पाईजामा अहिले आधुनिक मुसलमानहरुको पहिरन हुन् पुगेको हो !

अफगानिस्तान
==========
महाभारतकालमा अफगानिस्तानको पश्चिमी भूभागमा जुन चन्द्रवंशी राजाहरु बसेका थिए तिनिहरुनै पछि गएर अपगण भनिन थालिए ! त्यै " अपगण " को विकृत स्वरूप अफगान हुन् पुग्यो र देशको नाम अफगानिस्तान भयो ! यसै देशमा गान्धारीको गान्धार थियो जो अहिले कान्धार हुन् पुगेको छ ! गान्धारी गान्धार नरेश सुबलकी राजकुमारी थिइन् ! जतिखेर अर्जुन यस देशमा राजसूय यज्ञकोलागि आएथे त्यतिखेर उनले ठूली आमा गान्धारीको जन्मभूमि भएको कारण त्यहाँको माटोमा उभिएर प्रार्थना गरेका थिए ! यसै ठाउँमा गज प्रदेश थियो जुन अहिले गजनी भनेर चिन्हीन्छ ! त्यहींको कुभा प्रदेश आधुनिक काबुल हो ! काबुल नदी नै प्राचिन " कुभा " हो ! बौद्ध कालमा याँहा प्रसस्त बिहारहरु थिए र पर्वतिय गुफाहरुमा भगवान बुद्धको प्रतिमाहरु प्रसस्त थिए ! अरबीहरु इस्लाम मत प्रचार गर्न याँहा आउँदा अधिकांश बौद्ध भिक्षुहरु काटिए र बाँकी रहन पुगेकाहरुले ईश्लाम धर्म अंगाले ! यी अफगानीहरु आज सम्म आर्यनै रहन सकेको भए अफगानिस्तान आजसम्म अपगण नै रहन सक्ने थियो ! मतान्तर र तरवारको जोडले आर्य अपगण जाति मुसलमान हुन् पुगे ! पाणिनिको जन्म अफगानिस्तानमै भएको थियो ! पाणिनीले उल्लेख गरेको अफरीद जातिनै मूलत: प्राचिन आप्रीति हुन् !

बलूचिस्तान
========
महाभारतकालमा शक्तिपीठ हिंगुला देवीको वरीपरी जो आर्य जातिहरु रहन्थे तिनलाई बलूच भनिन्थ्यो ! धेरै वीर , विक्रमी र बलशाली भएका कारण तिनलाई " बलोच " भन्दै लगियो ! इनका पुर्खाहरुले महाभारत युद्धमा भाग लिएका थिए ! यी जाति युद्ध प्रिय थिए त्यसकारण आज पनि यी आफ्नो अस्मिता र अतीत प्रति निकै जागरूक छन् ! यी बलूच आर्यहरु अहिले मतान्तरित मुसलमान हुन् पुगेका छन् !

पख्तूनिस्तान 
=========
सप्त सिन्धवदेखि सीमान्त प्रदेश सम्मको भूभागमा ऋग्वैदिक राजा पख्तको शासन थियो ! राजा पख्त गोवंशको सुरक्षाकोलागि कृत संकल्प थिए ! तिनको राज्यमा दूध-दही प्रसस्त हुन्थ्यो ! पख्त भूभागमा बस्ने जातिलाई पख्तु भनियो ! पख्त पख्तू हुन् पुग्यो र देश पख्तूनिस्तान भयो ! पख्तूनिस्तानको भाषा पश्तो हो ! जसमा आर्य भाषाको शब्दावली प्रसस्त पाईन्छ ! पस्तो जातिको खुखुर शब्द संस्कृत शब्द श्वसुरको अपभ्रंश हो !

मंगोलिया 
=======
मनुस्मृतिमा वर्णन गरिएको दरद, खश आदि पर्वतीय जातिहरुनै नेपाल , चीन, कोरिया र मंगोलिया सम्म फैलिएका थिए ! बुद्ध धर्मको प्रचार यी देशहरुमा प्रसस्त हुन् पुग्यो ! मंगोलियाको चंगेज खां आकाशको पूजा गर्दथे ! मंगोलियनहरु बुद्ध मार्गीबाट मुसलमान हुन् पुगे ! नेपाल बाहेक अरु देशहरुमा धेरै मुगलहरुले राज्य गरे ! हिन्दुस्थान पनि त्यसैमा पर्थ्यो ! त्यो मंगोलिया पहिला मौद्गलिक कहलिन्थ्यो ! त्यहा बुद्ध धर्मको प्रसार थियो ! देश-काल-वातावरणका कारण ती सबै इस्लाम धर्मका अनुयायी हुन् पुगे ! ईश्लाम युग पूर्व ती मूलत: सबै बौद्ध धर्मी थिए ! उनीहरुको मन्त्र "बुद्धं शरणं गच्छामि" तथा "संघं शरणं गच्छामि" थियो !

पाकिस्तान
=======
भारत टुक्रेर पाकिस्तान बन्यो ! पाकिस्तान संग नया कुरा खासै नहोला ! तर वैदिक सिन्धु नदि आज पनि त्याँहा बग्छिन ! भरतपुत्र तक्षको तक्षशिला त्यहीं छ ! यहाँका मानिसहरुको नशामा आर्य पुर्खाहरुको रगत दौडि रहेको छ !पाकिस्तानमा ऋगवेदको " मधुवाता ऋतायते मधु क्षरन्ति सिन्धव: " ऋचा गुन्जी रा होला ! त्यो भूभाग जम्बूद्वीप भरतखण्ड आर्यावर्त नै हो ! नृसिंह भगवानको जन्म पाकिस्तान मै भएको थियो ! रामका छोरा लवको नगरी लाहौर हो ! पाकिस्तानमा परुष्णी नदि आज नी बगी रहेकी छिन ! 

यो लेख यहाँपनि हेर्न सक्नु हुन्छ
प्रकाशन मितिः२०७२ माघ १४ गते बिहीवार

SHARE THIS