ईलाका प्रहरी कार्यालय जितपुर बाराको आकस्मीक निरीक्षण

बारा,अषाढ,२९ ।
बाराका प्रहरी उपरिक्षक इश्वरबाबु कार्कीले आइतबार ईलाका प्रहरी कार्यालय जितपुर बाराको आकस्मीक निरीक्षण गरेका छन । औद्योगिक करिडोरको विच भागमा रहेको इलाका प्रहरी कार्यालय जीतपुर चौकीको जिल्ला प्रहरी कार्यालय कलैया बाराका प्रहरी उपरिक्षक इश्वरबाबु कार्कीले आकश्मिक निरीक्षण गरेका हुन् । अनुशासनमा रहेर कार्य गर्ने चौकीमा कार्यर्त दुइ जना प्रहरी जवानहरुलाइ नियमित डियुटी गरेकोमा निरीक्षणका क्रममा प्रहरी उपरिक्षक कार्कीले पुरस्कृत समेत गरेका थिए । चौकीमा कार्यर्त प्रहरी जवानहरु दिनेश मण्डल र देबेन्द्र रजकलाइ प्रहरी उपरिक्षक कार्कीले नगद रुपैया दिएर पुरस्कृत गरेका थिए । त्यसैगरि प्रहरी चौकी जीतपुरका इन्चार्ज प्रहरी नायव निरीक्षक अरुणकुमार कुशवाहालाई कार्यालयलाइ ब्यस्थित गरि हेल्प डेस्क (नागरिक सहायता कक्ष) को निर्माण गरेकोमा प्रहरी उपरिक्षक कार्कीले प्रशंसा गरेका थिए । प्रहरी नायव निरीक्षक कुशवाहाले स्थानीय र प्रहरीको सहभागीतामा जितपुरमा गरेका विभिन्न जन चेतना मुलक कार्यक्रमको समेत प्रशंसा गर्दै अगामी दिनहरुमा पनि जन्तालाई सेवा दिन तदारुक्ताका साथ लागी पर्न निर्देशन समेत दिएका थिए ।

SHARE THIS