क्राइमचेक प्रतिनिधि÷
वीरगंज÷ नेपाली चेलीलाई फकाई–फुलाई विभिन्न बहानामा भारतमा बिक्री गर्ने गिरोहका दुईजना भारतीय नागरिकलाई पर्सा प्रहरीले पक्राउ गरेको समाचार सार्वजनिक भएको छ ।
जिल्ला प्रहरी कार्यालय पर्साले दिएको जानकारी अनुसार भारतमा विक्री गर्न भनि लिएर गइरहेको अवस्थामा आइतवार भारत विहार जिल्ला बैशाली थाना चेहरकला ग्राम पंचायत खाजेचान बस्ने २४ वर्षीय बिन्देश्वर कुमार कुशवाहा र भारत विहार जिल्ला बेतिया थाना मझौलीया पंचायत रतनमाला ग्राम बगरवा बस्ने ४० वर्षीय जोगिन्द्र यादवलाई प्रहरीले पक्राउ गरेको हो ।
निज
कुशवाहले तनहुँ जिल्ला बन्दीपुर–१ बस्ने २० वर्षीया एक युवतीलाई ६ महिना अघिदेखि फोन सम्पर्क गरी प्रेम जालमा पारी आफ्नो घर समेत हेटौंडा हो भनी झुक्याई विवाह गर्ने बहानामा काठमाडौंको गौशालास्थित धर्मालामा माघ १ गतेदेखि ६ गतेसम्म राखेर यौन शोषण समेत गरी हेटौंडास्थित घरमा जाउँ भनी रात्रीबसबाट भारततर्फलैजाँदै गरेको अवस्थामा उनीहरूलाई प्रहरी चौकी इनर्वा वीरगंज र माइती नेपाल पर्सा शाखाबाट खटिएको टोलीले आइतवार ०६ः०० बजे फेला पारी ती युवतीको उद्धार गरी अभियुक्तहरूलाई पक्राउ गरेको थियो ।
पक्राउ परेका ती दुबैजनालाई अहिले जिल्ला प्रहरी कार्यालयमा राखिएको छ ।
Nepalese Rupee Exchange Rate