वीरगंज डेस्क ।
नेपालमा बारम्बार आउँदै गरेको महाविनाशकारी भुकम्पबाट प्रभावित भएका आफ्ना जिल्लावासीको सहयोगमा पर्वत सेवा समाज इजरायलले पठाएको राहत सामग्री पर्वतेली पीडितहरुलाई हस्तान्तरण गरिएको समाजकी सचिव दीपिका भुषालले जानकारी गराउनु भएको छ ।
पर्वतजिल्ला र जिल्लाबासीको उत्थान गर्ने उच्च सेवाभावसहित केही महिना अघिमात्र स्थापना गरिएको पर्वत सेवा समाज इजरायलले भुकम्पबाट घरबारविहीन हुन पुगेका पर्वतेली विपन्न विपन्न समुदायलाई राहत वितरण गरेको इजरायलबाट दीपिका भुषालले क्राइम चेकलाई बताउनुभयो ।समाजले भुकम्पबाट अत्याधिक क्षतिपुगेका क्षेत्रहरु र बिपन्न वर्गका पिडितहरुको पहिचान गरी नेपाल प्रहरी, स्थानिय निकायका सरकारी कर्मचारीहरु, पर्वतमा रहेका संचारकर्मीहरु तथा स्थानिय समाजसेवीहरुको रोहवरमा छुट्टाछुट्टै स्थानमा गत ७ मई विहिवार र त्यसको एक सातापछि गएको दोस्रो महाविनाशकारी भुकम्पबाट भएको क्षतिलाई मध्यनजर गर्दै १४ मई विहिवार गरी दुई पटक राहत वितरण गरेको हो ।
त्यस्तै समाजले दोस्रो चरणमा पर्वतको सुनटारी र पकुवामा रहेका भुकम्प पिडित बिपन्न ३६ घर परिवारलाई राहत वितरण गरिएको बताएको छ ।
पर्वत सेवा समाज इजरायलले इजरायलमा संचालन गरिएको भुकम्प पिडित सहोयग संकलन अभियान इजरायलमा आफ्नो सक्रिय उपस्थितीका वावजुध पनि संस्थाको कोषबाट रकम निकासा गरी पर्वतमा सहयोग पुर्याएको बताएको छ ।
Nepalese Rupee Exchange Rate