वीरगंजमा भोलीदेखि ट्राफिक सप्ताह

वीरगन्ज,१३ फागुनः आम नागरिकमा ट्राफिक नियम सम्बन्धी सचेतना  फैलाउने उद्देश्यले वीरगन्जमा आइतबारदेखि ट्राफिक सचेतना सप्ताह शुरु हुँदैछ । प्रहरी वरिष्ठ उपरिक्षक सर्वेन्द्र खनालले सप्ताहको घण्टाघर चोकमा बिहान ८:३० बजे उद्घाटन गर्ने कार्यक्रम रहेको छ ।

जिल्ला ट्राफिक प्रहरी कार्यालय प्रमुख ट्राफिक प्रहरी निरिक्षक विज्ञानराज बस्नेतले सप्ताहका लागी आवश्यक सम्पूर्ण तयारी पुरा भइसकेको बताए । उनले सप्ताहव्यापी कार्यक्रम

अन्तर्गत बिहान र बेलुकी स्कूले छात्रछात्रामार्फत्  सडक र सडक पेटीको प्रयोगबारे सर्वसाधारणलाई स्थलगतरुपमै जानकारी गराइने बताए । साथै सडक नाटक, रक्तदान कार्यक्रम, अन्तरकृयाकार्यक्रम समेत आयोजना गरिने उनले जानकारी दिएका छन् ।

जिल्ला प्रहरी कार्यालय पर्सा, जिल्ला ट्राफिक प्रहरी कार्यालय, वीरगन्ज उपमहानगरपालिका कार्यालय, सामुदायीक प्रहरी सेवा केन्द्रका साथै विभिन्न संघ संस्थाहरुको समेत सहभागीतामा ट्राफिक सप्ताह कार्यक्रम मनाउन लागिएको हो ।

साथै सचेतना अभिवृद्धिका लागी वीरगन्ज र अन्य जिल्लाका फोटो पत्रकारहरुले खिंचेका तस्वीरहरुको घण्टाघर चोकमा प्रदर्शनी समेत लगाइने ट्राफिक प्रहरी कार्यालयले जनाएको छ । ट्राफिक सप्ताहमा विभिन्न संघ संस्थाहरुले समेत सहभागीता जनाएका छन् ।

SHARE THIS