गजल
राजतन्त्र ढाल्नलाई अघि अघि सर्यो जनता
आफ्नै ज्यान फालेर आन्दोलन गर्यो जनता ।।
राजतन्त्र गयो लोकतन्त्र आयो हाम्रो देशमा
उचाइमा पुग्छौ भन्थे, झन तल झर्यो जनता ।।
सुख–दु:ख एकछाक हिजो सबैले खान्थे बरु
हेर, आज त झन भोक भोकै मर्यो जनता ।।
श्री ५ को भन्दा पनि श्री ३ को शासन चर्को भो
तावा बाट भाग्न खोज्दा भुग्रोमा पर्यो जनता ।।
झगेन्द्र के. दंगाली
प्रकाशन मितिः २०७३ वैशाख १६ गते बिहीवार
Nepalese Rupee Exchange Rate
