एस.एल.सी.का विद्यार्थी डराउनुपर्दैन

क्राइमचेक प्रतिनिधि÷

वीरगंज÷एसएलसी अर्थात् प्रवेशिका परिक्षालाई मर्यादित बनाउन अभिभावक, विद्यार्थी र शिक्षकको समान सहयोगको आवश्यकता भएकोमा सरोकारवालाले जोड दिएक छन् ।

                रेडियो वीरगंजले होटल सम्झनामा बुधबार आयोजना गरेको अन्तरकृयामा कार्यक्रममा जिल्ला शिक्षा अधिकारी हरिप्रसाद वस्तीले आचारसंहिताको पालना गर्दै विद्यार्थीले परिक्षा

दिए कुनै समस्या नहुने बताए ।

                शिक्षा पत्रकार अनन्तलाल दासले नियमितरुपमा अध्ययन गर्ने विद्यार्थीहरुले प्रवेशिका परिक्षा बिग्रिने चिन्ता लिनु आवश्यक नभएको बताए । उनले भने,एसएलसीलाई सानै देखि हामीले हाउगुजी बनाइ दिएका छौं,वास्तविकता त्यस्तो होइन,नियमित पढ्ने सहजै पास हुन्छन् ।

                कार्यक्रममा बोल्दै पर्साका प्रहरी उपरिक्षक पिताम्बर अधिकारीले विद्यार्थीको मनोबल घटाउन परिक्षा कक्षाभित्र सुरक्षाकर्मी नजाने भन्दै परिक्षा केन्द्रमा हुने अमर्यादित कृयाकलाप रोक्नका लागी मात्र प्रहरी परिचालन गरिने बताउनुभयो । (२०६९ फागुन २४ गते प्रकाशित)

SHARE THIS