प्रहरी र बन्दकर्ताबीच झडप

क्राइमचेक प्रतिनिधि÷

वीरगंज÷ जबरजस्ती बजार बन्द गराँदै हिडेका माओवादीका कार्यकर्तालाई प्रहरीले रोक्न खोज्दा प्रहरीमाथि आक्रमणको प्रयास गरेपछि बाराको जितपुरमा प्रहरी र माओवादी कार्यकर्ताबीच झडप भएको समाचार प्राप्त हुन आएको छ ।

                बुधवार बिहान जितपुर क्षेत्रमा खुलेका बजार जबरजस्ती बन्द गराउँदै हिंडेका

नेकपा–माओवादीका कार्यकर्तासँग भएको झडपमा केही कायकर्ता समेत घाइते भएको समाचारमा जनाइएको छ ।

                आक्रोशित कार्यकर्ताले राजमार्गमा करिब एक दर्जन गाडीमा तोडफोड गरेका थिए ।

                गृहमन्त्री विजयकुमार गच्छदारको भ्रमण कार्यक्रममा अवरोध गर्नका लागी नेकपा–माओवादीका कार्यकर्ताले वीरगंजदेखि सीमरासम्म त्रिभूवन राजपथमा तनाव सिर्जना गर्न खोजेको सुरक्षा अधिकारीको विश्लेषण छ ।

सिमरा क्षेत्रका बजार, पसल सबै बन्द थिए भने कलकारखाना समेत संचालनमा आउन सकेनन् । उद्योग बन्द गराउदै हिडेका बन्दकर्ताले हुलास स्टील बन्द गराउने क्रममा तोडफोड गरेको बताइएको छ ।  बन्दको अवज्ञा गरेको भन्दै बन्दकर्ता सिमरामा ट्रयाक्टर र टाटा सुमो क्षति पु¥याएका छन् । हड्तालका क्रममा कुनै अप्रिय घटना हुन नदिनका लागी स्थानीय प्रशासनले विशेष सतर्कता अपनाएको थियो ।

(२०६९ फागुन २४ गते प्रकाशित)

SHARE THIS