प्रधानन्यायाधीको नेतृत्व नस्वीकार्न आग्रह

काठमाडौं, फागुन १८ – नेपाल बार एशोसियसनले प्रधानन्यायाधीशको नेतृत्वमा सरकार बनाउने दलहरुको प्रस्ताव स्वीकार नगर्न राष्ट्रपति डा. रामवरण यादवलाइ आग्रह गरेको छ । प्रधानन्यायाधीशलाई प्रधानमन्त्री बनाउने प्रस्ताव शक्ति पृथकीकरणको सिद्दान्त विपरित हुने आफ्नो निर्णय राष्ट्रपतिलाइ बुझाउँदै बारले राष्ट्रपतिलाइ यस्तो आग्रह गरेको हो ।

जवाफमा राष्ट्रपतिले आफूबाट शक्ति पृथकीकरणको सिद्दान्त, लोकतन्त्र र संविधान विपरित कुनै काम नहुने प्रतिक्रिया दिएको नेपाल बार एशोसियसनका उपाध्यक्ष टीकाराम भट्टराइले जानकारी दिनुभयो । राष्ट्रपतिले आफू संविधानको धारा ३८ को उपधारा १ अनुसार सरकार बनाउने प्रक्रियाबाट बाहिर नगएको पनि बताउनुभएको छ ।

नेपाल बार एशोसियसनले प्रधानन्यायाधीशलाई प्रधानमन्त्री बनाउने काम संविधान विपरित हुने भन्दै संविधानका संरक्षक राष्ट्रपतिले त्यसलाइ स्वीकार गर्न नहुनेमा ध्यानाकर्षण गराएको हो ।

SHARE THIS