प्रहरीद्वारा तीन पक्राउ

क्राइमचेक प्रतिनिधि÷

झापा÷गाँजा मुद्दामा आठ महिनादेखि फरार रहेका एकजना अभियुक्तलाई प्रहरीले पर्साको झकरा मसिहानी गाविसबाट बुधबार बिहान नियन्त्रणमा लिएको छ । पर्साको भौराटार गाविस ३ निवासी जयनारायण महत्तो नुनियालाई डोकैला बहुअरी अस्थायी प्रहरी पोष्टका इन्चार्ज प्रहरी सहायक निरिक्षक रामेश्वर सहनीको नेतृत्वमा रहेको टोलीले विशेष सुराकीका आधारमा नियन्त्रणमा लिएको हो । जयनाराण महत्तो नुनियालाई पर्सा प्रहरीले गत असार १ गतेदेखि खोजी गर्दै आएको थियो । महत्तोको निवासमा छापामारी गर्दा 

५ क्वीन्टल गाँजा फेला परेपछि प्रहरीले उनीविरुद्ध गाँजा भण्डारण  र कारोबार अभियोगमा मुद्दा दर्ता गर्दै खोजी सूचीमा राखेको थियो । पक्राउ परेका नुनियालाई इलाका प्रहरी कार्यालय पोखरियाको हिरासतमा राखिएको छ ।

                यसैबीच गएराती मकवानपुर प्रहरीले लागूऔषध कोरेक्ससहित दुईजनालाई पक्राउ गरेको छ । पक्राउ पर्नेहरुमा हेटौंडा १ बस्ने ३३ वर्षीय बिशाल सिटौला र हेटौंडा ११ का ३१ वर्षीय गौतम लामा रहेका छन् ।

                उनीहरुको साथबाट प्रहरीले १९ पीस कोरेक्स बरामद गरेको छ । हेटौंडा १० भुटनदेवी मन्दिर नजिकै ना २२ प ३६०९ नम्बरको मोटरसाइकलमा शंका लागि जेकजाँच गर्दा सो परिमाण्ँको लागूऔषध बरामद भएको जिल्ला प्रहरी कार्यालय मकवानपुरले जनाएको छ । उनीहरुमाथि थप अनुसन्धान भइरहेको प्रहरीले बताएको छ ।

२०६९ फागुन १७ गते बिहीवार प्रकाशित

SHARE THIS