वीरगन्ज, २० माघः पछिल्लो समयमा घरजग्गा दलाली कारोबार गर्दै आएका हिन्दू यूवा संघका सल्लाहकार ज्योतीलाल कलवार पुर्पक्षका लागी थुनामा परेका छन् ।पर्सा जिल्ला अदालतसमक्ष सोमबार उपस्थित गराइएका कलवारलाई थुनछेकको बहसपछि न्यायाधीश भोला चौलागाइको आदेशमा पुर्पक्षका लागी थुनामा पठाइएको हो ।
वीरगन्जको श्रीपुर टोलमा एक महिलालाई आश्रय दिंदै उनीमार्फत् यौन व्यवसाय सञ्चालन गराएको गम्भीर अभियोगसहित कलवार र एक महिलासहित दुईजनाविरुद्ध प्रहरीले सरकारी वकीलमार्फत् अदालतमा मुद्दा दायर गरेको थियो । मानव बेचबिखन तथा जबरजस्ती करणी ऐन अन्तर्गत वेश्यागमन र जबरजस्ती करणी गरेको अभियोगमा कलवार र उमरावती देवी मिश्रविरुद्ध मुद्दा दायर गरिएको जिल्ला प्रहरी कार्यालय पर्साका प्रहरी नायब उपरिक्षक बासुदेव खतिवडाले बताए ।
Nepalese Rupee Exchange Rate