दाहाल दिल्ली प्रस्थान

देशको प्रतिनिधित्व गर्दै भारत जान लागेको प्रतिक्रिया
काठमाडौं १४ बैशाख । एकीकृत नेकपा माओवादीका अध्यक्ष पुष्पकमल दाहालले आफु राष्ट्रको प्रतिनिधित्व गर्दै भारत जान लागेको प्रतिक्रिया दिएका छन् ।
भारत जानुअघि त्रिभुवन विमास्थलमा पत्रकारहरुसंग कुरा गर्दै अध्यक्ष दाहालले आफु पार्टी अध्यक्ष भएपनि राष्ट्रको प्रतिनिधित्व गर्दै भ्रमण हुन लागेको बताए । उनले चीनमा जस्तै भारतमा पनि नेपालको आर्थिक विकासमा आफुले जोड दिने बताए । उनले भने–नेपालको जलश्रोत, पर्यटन र भौतिक विकासमा भारतको सहयोगका लागि प्रस्ताव राख्छु । उनले भारतमा विगतका असहमतीका कुरा नगर्ने उल्लेख गरे । दाहाल दिउँसो जेट एयरवेजबाट दिल्ली उडेका थिए । दाहालका साथमा पत्नी सिता दाहाल, विदेश विभाग प्रमुख कृष्ण महरा र सहयोगी शिव खकुरेल छन् । भारत भ्रमणका क्रममा राष्ट्रपति, प्रधानमन्त्री लगायत उच्च सरकारी प्रतिनिधीका साथै विपक्षी दलका नेताहरुसंग दाहालले भेटघाट गर्नेछन् । एकहप्ताको चीन भ्रमण लगत्तै उनी दिल्ली उडेका हुन्
भ्रमण आर्थिक एजेण्डामा केन्द्रीत: दाहाल

 । एकीकृत नेकपा माओवादीका अध्यक्ष पुष्पकमल दाहालले भारत भ्रमणका क्रममा आर्थिक एजेण्डालाई प्राथमिकताका साथ उठाउने बताएका छन् ।
आज वीरगञ्जमा आयोजित एक कार्यक्रममा अध्यक्ष दाहालले भारतीय पक्षसंग नेपालको विकासका बारेमा आफुले महत्वका साथ प्रस्ताव राख्ने बताएका हुन् । उनले नेपालमा रेलवे सेवा विस्तार, सडक र जलविद्युतमा लगानी गर्न भारतसंग आग्रह गर्ने बताए । आगामी संविधान सभा निर्वाचमा आफु मधेशबाटै चुनाव लड्ने उल्लेख गर्दै दाहालले भने, ‘मधेशी जनताको पक्षमा माओवादी सधैं लड्छ ।’
पहिचान सहितको संघीयता र संघीयता सहितको संविधानको मुद्धाबाट पार्टी पछाडी नहट्ने अध्यक्ष दाहालले स्पष्ट पारे ।
अध्यक्ष दाहाल आजै उच्चस्तरीय भ्रमणमा भारत जाँदै छन् ।

SHARE THIS