वीरगन्ज,२९ वैशाखः सद्भावना पार्टीका केन्द्रिय सदस्य नेजामुद्दिन समानीलाई प्रहरीले आइतबार दिउँसो पक्राउ गरेको छ ।
पार्टीले आह्वान गरेको एक दिने आम हड्तालका क्रममा दिउँसो वीरगन्जको आदर्शनगर चोकमा आफ्ना कार्यकर्ताहरुसँगै जबरजस्ती बजार बन्द गराउँदै हिंडेका समानीलाई प्रहरीले पक्राउ गरेको हो । समानीसँगै सद्भावनाका अन्य ६ जना कार्यकर्तालाई समेत प्रहरीले नियन्त्रणमा लिएको छ । पक्राउ परेका सातैजनालाई जिल्ला प्रहरी कार्यालय पर्साको परिसरमा राखिएको छ ।अबिलम्ब संविधान सभाको निर्वाचनको मिती तोक्नुपर्ने माग गर्दै सद्भावना पार्टीले चरणबद्ध आन्दोलन अन्तर्गत चारदिनदेखि रिले अनशन जारी राख्दै आइतबार तराईका २२ जिल्लामा आम हड्तालको आह्वान गरेको हो
Nepalese Rupee Exchange Rate