सबै पक्षस ँँग प्रधानमन्त्रीले वार्ता गर्ने

सबै पक्षस ँँग प्रधानमन्त्रीले वार्ता गर्ने
काठमाडौं । संघीय लोकतान्त्रिक राष्टिय गठबन्धनमा सामेल राजनीतिक दलहरुले आज प्रधानमन्त्री सुशील कोईरालालाई ज्ञापन पत्र बुझाएको छ । ज्ञापन पत्र बुझदै प्रधानमन्त्री कोईरालाले सबै मिलेर संविधान जारी गर्न र आफू सहमतिमै संविधान जारी गर्नको लागि सबै पक्षसाग वार्ता गर्ने तयारी गरिरहेको बताउनु भयो । सोको लागि आफूहरुले गृह कार्यलाई अगाडी बढाएको उहााले बताएको जानकारी गठबन्धनका नेता एवं लोक दलका अध्यक्ष कौशल कुमार सिंहले जानकारी गराउनु भयो । गठबन्धनमा सामेल आठ वटा राजनीतिक दलहरुसागको भेंटमा प्रधानमन्त्री कोईरालाले सबैले सहमतिको कुरा गर्ने तर ठोस आधार प्रस्तुत नगर्ने भएको हुनाले नै संविधानमा सहमति जुटन नसकेको बताएको सिंहले बताउनु भयो । प्रधानमन्त्रीले संविधान निर्माणको लागि आफूहरुले सबै पक्षसाग कुराकानी गरिरहेको र माघ ८ भित्रै संविधान जारी गर्ने बताए ।
भेंटमा प्रधानमन्त्री कोइरालाले आफू पनि संघर्षबाटै आएको हुनाले लोकतन्त्रलाई सुदृढ गर्नको लागि सबै वर्ग, समुदाय, जातजाति, लिंगको अधिकारलाई सुनिश्चित गर्नको लागि सबैको कुरालाई संविधानमा समेटनु पर्ने बताएका थिए । अहिले संधिवानको मुल विषयहरु राज्यको पुनर्संरचना, शासकीय स्वरुप, निर्वाचन प्रणाली, न्याय प्रणाली जस्तामा देखिएको असहमतिले वातावारण नराम्रो बनाएको हो । अहिले सहमतिमा केहि कुरा तलमाथि गरेर भए पनि संविधान अहिले निर्माण गरेर अरु कुरा पछि थप्दै जान सकिने समेत प्रधानमन्त्रीले बताउनु भयो ।
ज्ञापन पत्र बुझाउने क्रममा गठबन्धनका नेताहरुले विगतमा सरकारले गरेको सहमति र समझौतालाई कार्यान्वयन गर्न र त्यस समझौतालाई संविधानमा लेख्न आग्रह गरेका थिए । यदि त्यसो नगरिए मुलुक फेरी दन्दमा फस्ने र मुलुकले विकासको गति लिन नसक्ने नेताहरुले प्रधानमन्त्रीलाई सुझाएका थिए । ज्ञापन पत्रमा सबै शक्तिहरुलाई समेटेर संविधानका अन्तरवस्तुमा सहमति जुटाई संविधान जारी गर्न भनिएको छ । पहिचान र सामथ्र्यको आधारमा संघीयता, समानुपातिक सहभागिता, धर्म निरपेक्ष, समावेशी लोकतन्त्र लगायतका विषयमा सहमति जुटाई सबैको अधिकार सुनिश्चित हुने गरी संविधान जारी गर्न प्रधानमन्त्रीसाग माग गरिएको छ । ज्ञापन पत्रमा शीतलहर, हिमपात र सुख्खाग्रस्त क्षेत्रमा तत्काल प्रभावकारी ढंगले राहतका कार्यक्रमहरु संचालन गर्न माग गरिएको छ ।
 गठबन्धनका वर्तमान अध्यक्ष गंगा महराले ज्ञापन पत्र प्रधानमन्त्रीलाई हस्तान्तरण गरेका थिए । सो क्रममा लोक दलका अध्यक्ष सिंहले सबैलाई समेटेर संविधान निर्माण गर्दा सबैको समर्थन हुने र जारी हुने संविधान स्थायी हुने बताउादै संविधानमा पिछडावर्ग (ओबीसी), दलित, मधेशी, जनजाति, महिलाको अधिकारलाई समेटन आग्रह गरेका थिए । खस समावेशी पार्टीका अध्यक्ष राजन केसीले संविधानमा खस जातिको अधिकारलाई सुनिश्चित गरेर संविधान जारी गर्न बताउनु भयो । नेपाल कम्यूनिष्ट पार्टीका अध्यक्ष ऋषीराम कटेलले मुलुक अहिले अन्यौलमा रहेकोले सबैको अधिकार सुनिश्चित हुने किसिमले संविधान जारी गरी निकास निकाल्न आग्रह गर्नु भयो । नेकपा (संयुक्त माक्र्सवादी) का महासचिव प्रकाश अधिकारीले गठबन्धनले अगाडी सारको मागलाई सहजताका साथ लिई संविधानमा गठबन्धनको मागलाई राख्न सुझाव दिनुभयो । संघीय गणतान्त्रिक समाजवादी पार्टीका उपाध्यक्ष अमरध्वज लामाले सबै पक्षलाई संविधानमा अधिकार संपन्न गरी संविधानलाई अगाडी बढाउन आग्रह गर्नुभयो । ज्ञापन पत्र बुझाउने क्रममा आठ वटै राजनीतिक दलका नेता तथा कार्यकर्ताहरुको उपस्थिति रहेको थियो ।

SHARE THIS