प्रहरी हवल्दारको कुटाईबाट नगरपालिकाका कर्मचारी घाईते

क्राइमचेक प्रतिनिधि/
वीरगंज/प्रहरीले मुस्कान सहितको सेवा प्रदान गर्ने घोषणा गरेको भए पनि यता जिल्ला प्रहरी कार्यालय पर्सामा कार्यरत प्रहरी हवल्दारले नगरपालिकाका एक कर्मचारीलाई मंगलबार कुटपिट गरी घाइते बनाएका छन् ।
प्रहरी हवल्दार नरबहादुर थापाले निर्घात कुटपीटगर्दा वीरगंज उपमहानगरपालिकाका कर्मचारी बिजय कुमार कानु घाइते भएका हुन । घडीअर्वा पोखरीको दक्षिण तर्फ रहेको ब्रहमस्थान मंदीर अगाडी हिजो साझ डिउटीमा खटेका हवल्दार नरबहादुर थापाले वीरगन्ज उपमहानगरपालिका १ निवासी ३५ वर्षिय बिजयकुमार कानुलाई कुटपीटगरि घाइते बनाएका हुन । ३५ किलो युरिया मल साइकलमा राखी गाविस मुसहरीमा रहेको आफ्न्तको घरतर्फ जादै गरेको अवस्थामा चेक जांचका लागि हवल्दारले रोकेर कुटपीट गरेको घाइते कानुले बताएका छन् । हवलदार थापाको कुटाईबाट कानुको कानको जाली फुटेको चिकित्सकहरुले बताएका छन् । घाइते कानुको  नारायणी उपक्षेत्रिय अस्पतालमा चेकजांच गराउदा चिकित्सकले अब कानुले बाया तर्फको सुन्न नसक्ने बताएको पिडितले जनाएका छन् । दोषीमाथी कार्यवाहीको मांग गर्दै घाइते कानुले बुधबार जिल्ला प्रहरी कार्यालय पर्सामा निवेदन दर्ता गराउनु भएको छ ।
प्रकाशित मितिः२०७१ साउन २२ गते बिहीवार

SHARE THIS