जान नपाउदा आजको परिक्षा अवरुद्ध भएको स्थानीय सोनालाल साहले जानकारी दिनु भयो । त्यस्तै लगातारको वर्षाका कारण पर्साको सुकीभार खोलामा आएको बाढीका कारण शंकर सरैया गाविसको वडा नम्बर ४ र ५ मा रहेका करिब ५० घर डुबानमा परेको स्थानीय महेन्द्र पासवानले जानकारी दिनु भयो । यसैगरि अस्ति राति देखि लगातार रुपमा परेको वर्षाका कारण वीरगन्ज नगरका विभिन्न टोल जलमग्न हुदा नगरवासीको जनजीवन कष्टकर बनेको छ । वार्षाको पानीको निकास नभएका कारण वीरगन्जको पानीटयाङकी , भिस्वा , प्रगतीनगर ,राधेमाइ , नयाँवस्ती , नगवा लगायतका टोलहरु जलग्न भएका हुन । त्यस्तै जिल्ला प्रशासन कार्यालय , जिल्ला मालपोत कार्यालय लगायतका केहि सरकारी कार्यालयको परिसरमा पानी जमेका कारण सेवाग्राहीलाइ समस्या भएको छ । खास गरि नगरका भित्रि टोलमा रहेका ढल र नाला सरसफाइ नगरिएका कारण े वर्षाको पानी र नालाको दुर्गन्धित पानी पनि सडकमै जमेर ताल बनेको छ । वीरगन्ज उपमहानगरपालिका कार्यालयको सरसफाइ विभागका कर्मचारीहरुले ढल र नालाको सफाइमा लापारवाही गर्दै आएकाले हरेक वर्ष वर्षातको मौसममा नालाको दुर्गन्धित पानी सडकमै बग्ने गरेका कारण नगरवासीले सास्ती खेप्दै आएका छन । वर्षाको पानीसंगै नालाको दुर्गन्धित पानी पनि घरमै पसेका कारण स्थानीयवासिन्दालाइ घर बाहिर आवत जावत गर्न पनि समस्या भएको छ । वीरगन्ज उपमहानगरपालिका कार्यालयको सरसफाइ फाँटमा कार्यरत कर्मचारीहरुले नाला र ढलको सरसफाइमा झारा टार्ने काम मात्र गरेकाले हरेक वर्ष वर्षातको मौसममा नगरवासीले सास्ती खेप्नु परेको स्थानीयवासीले बताएका छन ।
Nepalese Rupee Exchange Rate